ನಕ್ಷತ್ರಗಳ ಸರಮಾಲೆ

ಮನಸು

2010-12-28T05:47:00.000-08:00

ಪರದೆಯ ಮೇಲೆ ಪರದಾಡುತಿರುವ ಮನಸುಗಳೆ
ಸರತಿಯ ಮೇಲೆ ಕಾಯುತಿರುವ ಕನಸುಗಳೆ
ಮನಸುಗಳ ತಣಿಸಲು ಬರುತಿರುವ ಹನಿಗಳೆ
ಬನ್ನಿ ಬನ್ನಿ ಹರಿಸಿ ಮನಸಲಿ ಕನಸುಗಳ ಹೊಳೆ
ಬನ್ನಿ ಬನ್ನಿ ಹರಿಸಿ ಮನಸಲಿ ಬಯಕೆಗಳ ಹೊಳೆ

ಸೂರ್ಯನ ಕಿರಣಕೆ, ಹನಿಗಳ ಚೆಂದಕೆ, ಅರಳುತಿದೆ ಕಾಮನಬಿಲ್ಲು
ಚಂದ್ರನ ಹೊಳಪಿಗೆ, ಇರುಳಿನ ನಾಚಿಕೆ, ಕಾಣುತಿದೆ ಪ್ರತಿ ಹೂವಲ್ಲು
ಹೋಗು ಹೋಗು ಹೇಳಿ ಹೋಗು ಒಗಟಿನ ಉತ್ತರ
ಇರುವೆ ಏಕೆ ನೀನು ಕೈಗೆ ಸಿಗದಷ್ಟು ಎತ್ತರ

ಕವಿತೆಗೆ ಸ್ಫೂರ್ತಿ

2010-12-24T10:22:00.000-08:00

ನನ್ನ ಕವಿತೆಗೆ ಸ್ಫೂರ್ತಿ ಏನಾದರು ಆಗಬಹುದು
ಗೆಳತಿ, ನೀ ಎನ್ನ ಸ್ಪೂರ್ತಿಯಾಗಬಹುದು
ನಿನ್ನ ಮೋಹಕ ನಡೆ ಸ್ಪೂರ್ತಿಯಾಗಬಹುದು
ನಿನ್ನ ಭಾವುಕ ನುಡಿ ಸ್ಪೂರ್ತಿಯಾಗಬಹುದು

ನಿನ್ನ ಜೊತೆ ಕಳೆಯುವ ಪ್ರತಿ ಕ್ಷಣ ಕವಿತೆಯಾಗಬಹುದು
ನಿನ್ನ ಹೊಳೆಯುವ ಕಂಗಳೆ ಸ್ಪೂರ್ತಿಯಾಗಬಹುದು
ಕಣ್ಣೋಟಗಳು ಬೆರೆತಾಗ ಮೌನ ಕಾವ್ಯಸುಧೆಯಾಗಿ ಹರಿಯಬಹುದು

ನಿನ್ನ ಸ್ಪರ್ಶದ ರೋಮಾಂಚನ ಪಲ್ಲವಿಯಾಗಬಹುದು
ನಿನ್ನ ಕನಸುಗಳು ನವೀನ ಚರಣಗಳಾಗಬಹುದು
ನೀ ನನ್ನ ಕರೆಯುವ ಹೆಸರು ಕವಿತೆಯ ಶೀರ್ಷಿಕೆಯಾಗಬಹುದು
ನೀ ನನ್ನೊಡನೆ ಇರುವಾಗ ಮುಂದಿನ ಜನ್ಮದಲ್ಲೂ ನಾ ಕವಿಯಾಗಬಹುದು

ಕಣ್ಣೀರ ಕಥೆ

2010-12-20T01:12:00.000-08:00

ಕಣ್ಣಲ್ಲಿನ ಕನಸೆಲ್ಲ ಕಣ್ಣೀರಾಗಿ ಹರಿದಂತೆ
ನನ್ನೆದೆಯ ಒಳಗಿಂದ, ನೀ ಎದ್ದು ಹೋದಂತೆ
ನನಗೆ ಭಾಸವಾಯಿತು, ಮೈ ಮೆಲ್ಲನೆ ನಡುಗಿತು

ಗಾಳಿಯಲ್ಲಿನ ತಂಪೆಲ್ಲ ಮರೆಯಾಗಿ, ಬಿರುಗಾಳಿಯಾದಂತೆ
ನನ್ನ ಕನಸಿಂದ ಯಾರೋ ನಿನ್ನ ಕರೆದೊಯ್ಯದಂತೆ
ನನಗೆ ಭಾಸವಾಯಿತು, ಎದೆ ಬಡಿತ ಹೆಚ್ಚಾಯಿತು

ಮುಳ್ಳೆಲ್ಲ ಆಕ್ರೋಶದಿಂದ ಹೂಮೇಲೆ ಬಿದ್ದಂತೆ
ಬಾಳ ಪುಟಗಳಿಂದ ನಿನ್ನ ಹೆಸರು ಅಳಿಸಿ ಹೋದಂತೆ
ನನಗೆ ಭಾಸವಾಯಿತು, ಕಣ್ಣೆಲ್ಲ ನೀರಾಯಿತು

- Vರ ( Venkatesha ರಂಗಯ್ಯ )

ಪ್ರೇಮ ಪಲ್ಲವಿ

2010-03-13T22:25:00.000-08:00

ನಮ್ಮ ಬಾಳಿಗೆ ಪ್ರೀತಿ ದೀವಿಗೆ

ಕೊಟ್ಟ ದೇವರಿಗೆ ಹೇಳೋಣ ವಂದನೆ

ಒಲವ ಹಾದಿಗೆ ಪ್ರೇಮ ಬಳ್ಳಿಗೆ

ತೊಂದರೆ ನೀಡಿದವರಿಗೆ ವಿಧಿಸೋಣ ದಂಡನೆ

ನಿನ್ನ ಕಣ್ಣನು ಕಂಡು ಕರಗಿದೆ

ನಿನ್ನ ಕಣ್ಣಲೆ ನಾನು ನೆಲೆಸಿದೆ

ನೀನು ಎದುರಿದ್ದರೆ ನನಗೇನು ಬೇಡವೆ

ನಿನ್ನ ನೋಡುತ ಹಸಿವನ್ನೆ ಮರೆಯುವೆ

ನನ್ನ ಪ್ರೀತಿಯು ಎಂದು ಕಡಿಮೆಯಾಗದು, ಭಯವು ಬೇಡವೆ

ನೀನು ಅತ್ತರೆ ಭಯವ ಪಟ್ಟರೆ ತಾಳೆನು ಓ ಚೆಲುವೆ

ನಮ್ಮಿಬ್ಬರ ಉಸಿರು ಒಂದೇ ಆಗಿರಲೆಂದು ನಾನು ಬೇಡುವೆ

ನೀನೆ ಇರದಿರೆ ಬಾಳಿಗೆ ಅರ್ಥ ಇಲ್ಲವೇ, ಎಲ್ಲ ಶೂನ್ಯವೆ

- Vರ ( Venkatesha ರಂಗಯ್ಯ )

ನಿನ್ನಿಂದ ಎಲ್ಲ ನಿನ್ನಿಂದ

2009-08-31T10:25:00.001-07:00

ಬದುಕು ಬಂಗಾರವಾಯಿತು
ಬಾಳು ಬೆಳಕಾಯಿತು
ಮನಸು ಹಗುರಾಯಿತು
ನಿನ್ನಿಂದ ಎಲ್ಲ ನಿನ್ನಿಂದ

ಕನಸು ನನಸಾಯಿತು
ಉಸಿರು ಸಂಗೀತವಾಯಿತು
ಹೆಸರು ಪ್ರಸಿಧ್ಧ ಹೆಸರಾಯಿತು
ನಿನ್ನಿಂದ ಎಲ್ಲ ನಿನ್ನಿಂದ

ಕಣ್ಣು ಕಣ್ಣು ಕಲೆತಾಯಿತು
ಹೃದಯ ಹೃದಯ ಮಿಡಿದಾಯಿತು
ಒಲವು ಬಂದು ಮನಸು ಒಂದಾಯಿತು
ನಿನ್ನಿಂದ ಎಲ್ಲ ನಿನ್ನಿಂದ

ಭಾವನೆಗಳಿಗೆ ಜೀವ ಬಂದಾಯಿತು
ಕನಸುಗಳಿಗೆ ರೆಕ್ಕೆಪುಕ್ಕ ಬಂದು ಹಾರಾಯಿತು
ಬದುಕಿಗೆ ಪರಿಪೂರ್ಣತೆ ಸಿಕ್ಕಂತಾಯಿತು
ನಿನ್ನಿಂದ ಎಲ್ಲ ನಿನ್ನಿಂದ

- Vರ ( Venkatesha ರಂಗಯ್ಯ )

ಭಾರತ - ನಮ್ಮ ದೇಶ

2009-08-31T10:23:00.000-07:00

ಇದೆ ನೋಡು ಭಾರತ ದೇಶ
ದೇಶವ ಮುನ್ನಡೆಸುವ ಪ್ರಜೆಯೇ ಈಶ
ಸಾರುವೆವು ಒಕ್ಕೊರಲಿನಿಂದ ಪ್ರೀತಿ ಸಂದೇಶ
ತೆಗೆಯುವೆವು ಎಲ್ಲರ ಮನಸಿಂದ ಅಸೂಯೆ ದ್ವೇಷ
ಗಾಂಧಿ ಕಟ್ಟಿದ ಗೂಡಿದು ನೆಹರು ಬೆಳೆಸಿದ ನಾಡಿದು
ಶಾಂತಿ ಮಂತ್ರ ಭಾವೈಕ್ಯತೆ ಭಾವನೆ ನಮ್ಮದು
ದೇಶ ಭಾಷೆಯ ಅಭಿಮಾನ ತುಂಬಿರುವ ಉಸಿರು ನಮ್ಮದು
ದೇಶ ಭಕ್ತರೆಲ್ಲ ಸೇರಿ ಹಾಕಿದರು ಭದ್ರ ಬುನಾದಿ
ನಮಗೆಲ್ಲ ದಾರಿ ದೀಪ ಅವರು ತೋರಿದ ಹಾದಿ

-Vರ ( Venkatesha ರಂಗಯ್ಯ )

ಮನಸಾರೆ

2009-08-31T10:22:00.000-07:00

ಆಸರೆ ನಿನ್ನಾಸರೆ ಬಯಸಿದೆ ಮನಸಾರೆ
ಉಸಿರೇ ನನ್ನುಸಿರೇ ಕನವರಿಸುತಿದೆ ಕನಸಾರೆ
ಕನಸಿನಲ್ಲಿ ಕಂಡ ಓ ತಾವರೆ
ಮನಸಿಂದಾಗಿದೆ ನಿನ್ನ ಕೈಸೆರೆ

ಪ್ರೀತಿ ಹೂವಿನಲ್ಲಿನ ಮಕರಂದ
ಸವಿಯೋ ಆತುರದಲ್ಲಿನ ಆನಂದ
ಹೇಗೆ ವಿವರಿಸಲಿ ನಾ ಸುಖದಾನಂದ

ಕಣ್ಣಿನ ನೋಟಗಳಲ್ಲಿರುವ ಆತ್ಮೀಯತೆ
ಕಂಡಾಗ ಉಲ್ಬಣಿಸುತ್ತಿದೆ ಭಾವ ತೀವ್ರತೆ
ಕಡಲ ತೀರದ ಅಲೆಗಳ ಒಕ್ಕೊರಲತೆ
ನೋಡುತ ನಲಿಯುತಿದೆ ಪ್ರೀತಿಯ ಲತೆ

- Vರ ( Venkatesha ರಂಗಯ್ಯ )

ತಂಗಾಳಿ ಪ್ರೀತಿ

2009-08-31T10:20:00.000-07:00

ತಂಗಾಳಿಯಾಗಿ ಬಂದು ಅಪ್ಪಿಕೋ ಬಾ ಪ್ರೀತಿ
ಮಳೆಬಿಲ್ಲೆಯಾಗಿ ಸುರಿದು ತಣಿಸು ಬಾ ಪ್ರೀತಿ
ಕಣ್ ಮುಚ್ಚಿ ಕೈ ಹಿಡಿದು ದೂರ ತೀರಕೆ ಕರೆದೊಯ್ಯಿ ಬಾ ಪ್ರೀತಿ
ಸೊಗಸಾದ ಹೂದೋಟದಲಿ ಸವಿಗಾನ ಹೇಳು ಬಾ ಪ್ರೀತಿ

ನೀ ನನ್ನ ಅಪ್ಪಿದೊಡೆ ಮೈಮನದಲ್ಲೆಲ್ಲ ಹೊಸ ಪುಳಕ
ನೀ ಹನಿಹನಿಯಾಗಿ ತಣಿಸಿದೊಡೆ ಹೃದಯಕೆ ಪ್ರೀತಿಯ ಜಳಕ
ನೀ ನನ್ನ ಕೈ ಹಿಡಿದು ನಡೆಯುವಾಗ ಏನೋ ಒಂಥರ ನಡುಕ
ನೀ ಹಾಡುವಾಗ ನಿನ್ನೊಂದಿಗೆ ಹಾಡಬೇಕೆಂಬ ತವಕ

ಏನೋ ಒಂಥರ ಹೊಸದು ನನ್ನೊಳಗಿನ ಬದಲಾವಣೆ
ಏಕೋ ಏನೋ ಇದಕ್ಕೆಲ್ಲ ಕಾರಣ ನಾ ಕಾಣೆ
ನಿನದೆ ಮೋಡಿ ಇರಬಹುದೆಂದು ಅನುಮಾನ ಕಣೇ
ನನ್ನೊಳಗಿನ ಈ ಗೊಂದಲಗಳ ಬಗೆಹರಿಸು ಬಾ ಜಾಣೆ

- Vರ ( Venkatesha ರಂಗಯ್ಯ )

ಮುಸ್ಸಂಜೆ ಗೆಳತಿ

2009-07-20T04:41:00.000-07:00

ರವಿ ಆಗಸದಲ್ಲಿ ಜಾರುವಾಗ ಸಿಕ್ಕಳು ಮುಸ್ಸಂಜೆ ಗೆಳತಿ
ಕವಿ ಮಹಾಶಯನ ಕನಸಿನ ಸಂಗಾತಿ

ಇವಳೇನೆ ಅಪರೂಪದ ಸುಂದರ ಹೆಣ್ಣು
ಇವಳ ಮೇಲೇನೆ ಹದಿಹರೆಯದ ಹುಡುಗರ ಕಣ್ಣು
ಬೇಲೂರು ಶಿಲಾಬಾಲಿಕೆಯ ಪ್ರತಿರೂಪ
ವನಸಿರಿ ವೈಭವದ ಸ್ವರೂಪ

ನನ್ನೆದೆ ಆಕಾಶದ ಅರುಂಧತಿ ನಕ್ಷತ್ರ
ನಾ ಅವಳ ಭಾವನೆಗಳಿಗೆ ಸ್ಪಂದಿಸುವ ಆಪ್ತಮಿತ್ರ
ಅವಳಿಗೆ ನಾನೇನು ಬರೆಯಬೇಕಿಲ್ಲ ಪ್ರೇಮಪತ್ರ
ಏಕೆಂದರೆ ಅವಳಿರುವಳು ಸದಾ ನನ್ನ ಹತ್ರ { ಹತ್ತಿರ }

- Vರ ( Venkatesha ರಂಗಯ್ಯ )

ಗೆಳೆಯನಿಗೋಸ್ಕರ

2009-03-24T01:01:00.000-07:00

ಜೀವನವೇ ಒಂದು ಜೋಕಾಲಿ
ಪ್ರೀತಿ ಕಣ್ಮರೆಯಾದಾಗ ಹೃದಯ ಖಾಲಿ ಖಾಲಿ
ಅವಳಿಲ್ಲದೆ ನೀ ಬದುಕುವುದ ಕಲಿ

ಕೈ ಕೊಟ್ಟು ಹೋದವಳ ಬಗ್ಗೆ ಚಿಂತಿಸದಿರು
ಮೂರೇ ಮೂರು ದಿನದ ಹುಸಿ ಪ್ರೀತಿಯ ನೆನೆಯದಿರು
ಪ್ರೀತಿಯ ಕೊಳದಲ್ಲಿ ಹೆಣ್ಣಿನ ಆಂತರ್ಯವ ಹುಡುಕದಿರು
ನೆನಪುಗಳ ಕೆದಕಿ ಕೆದಕಿ ಕೊರಗದಿರು ನೀ ಮರುಗದಿರು

ಹಗಲು ಇರುಳು ಅವಳ ನೆನಪಲ್ಲೇ ಕಾಲ ಕಳೆದೆ ಗೆಳೆಯ
ಆ ನೆನಪುಗಳ ಚಕ್ರವ್ಯೂಹದಿಂದ ಹೊರಗೆ ಬಾ ಆತ್ಮೀಯ
ನೀ ನೋಡಬೇಕಿರುವುದು ಸಾಕಷ್ಟಿದೆ ಕಣ್ತೆರೆದು ನೋಡೆಯ
ನೀ ಸಾಧಿಸಬೇಕಿರುವುದು ಬೇಕಾದಷ್ಟಿದೆ ಮನಸಿಟ್ಟು ಮಾಡೆಯ

- Vರ ( Venkatesha ರಂಗಯ್ಯ )

ಗೆಳೆಯನ ಪ್ರಾರ್ಥನೆ

2009-03-23T06:23:00.000-07:00

ಪ್ರೀತಿ ಮಂತ್ರ ಜಪಿಸುತಿರುವ ಪ್ರೇಮಿ ನಾನು
ಪ್ರೇಮ ದೇವತೆ ನಿನ್ನ ದರ್ಶನಕ್ಕಾಗಿ ಕಾದಿರುವೆ ನಾನು
ನಿನ್ನಿಂದ ದೂರ ನಿಂತು ನರಳುತಿದೆ ಈ ಜೀವ
ನಿನ್ನಿಂದ ಮಾತ್ರ ಸಾಧ್ಯ ತುಂಬಲು ಪ್ರೀತಿಯ ಅಭಾವ

ನಮ್ಮನ್ನು ಅಗಲುವಂತೆ ಮಾಡಿತ್ತು ಆ ಸುಡುಗೆಂಪು ಜಾವ
ನನ್ನೊಲವಿನ ಗೆಳತಿಯ ಸಿಗುವಂತೆ ಮಾಡುವೆಯ ಮುಂಜಾವ
ಸಣ್ಣ ಸಣ್ಣ ಕಾರಣಗಳಿಗೆ ನಡೆದು ಹೋಗಿತ್ತು ನಮ್ಮಿಬ್ಬರ ನಡುವೆ ಘರ್ಷಣೆ
ನನ್ನ ತಪ್ಪು ಮನ್ನಿಸಿ ಮರಳಿ ಬಾ ಬಳಿಗೆ ಎನ್ನುವುದು ನನ್ನ ಪ್ರಾರ್ಥನೆ

ಸೂರ್ಯನಿಗೆ ಹೇಳಿರುವೆ ನಿನಗೆ ಸುಮ್ ಸುಮ್ನೆ ಸುಡಬೇಡೆಂದು

ಗುಲಾಬಿ ಮುಳ್ಳುಗಳಿಗೆ ಮನವಿ ಮಾಡಿರುವೆ ನಿನಗೆ ಚುಚ್ಚಬೇಡೆಂದು
ದುಂಬಿಗಳಲ್ಲಿ ಪ್ರಾರ್ಥನೆ ಮಾಡಿರುವೆ ಮಕರಂದ ಹೀರಬೇಡೆಂದು
ಏಕೆಂದರೆ ನಿನ್ನ ಮನವೊಲಿಸಲು ನನ್ನಲ್ಲಿರುವುದು ಹೂವು ಒಂದೇ ಒಂದು

- Vರ ( Venkatesha ರಂಗಯ್ಯ )

ನಗು ನಗುತ ನಲಿ ಏನೇ ಆಗಲಿ

2009-03-15T03:58:00.001-07:00

ನಗುತ ನಗುತ ಇರಬೇಕು ನಕ್ಕು ನಗಿಸುತಲಿರಬೇಕು
ಏನೇ ಕಷ್ಟ ಬಂದರು ಸರಿಯೇ ಅಳುವುದ ಮರೆತು ನಗಬೇಕು
ಎಷ್ಟೇ ಒತ್ತಡ ಇದ್ದರು ಕೂಡ ತಿಳಿಕೊಳದಂತೆ ಮನಸಿರಬೇಕು
ಅಂಗಳದಿ ಚೆಲ್ಲಿರುವ ಬೆಳದಿಂಗಳಂತೆ ಬಾಳಲಿ ನೆಮ್ಮದಿ ಇರಬೇಕು

ಪ್ರೀತಿಯೊಂದೆ ರಾಮಬಾಣ ಜೀವನವನ್ನು ಹಸನಾಗಿಸಲು
ಒಲವಿನ ಮನಸೇ ಶಾಂತಿಯ ತಾಣ ದುಃಖವನೆಲ್ಲ ಮರೆಸಲು
ನೋವನ್ನೆಲ್ಲ ಹೊಡೆದು ಬಡೆದು ಜೀವನದಿಂದ ಕಿತ್ತೆಸೆಯಲು
ಬಾಳಿನಲ್ಲಿರುವ ಕತ್ತಲೆಯ ಮರೆಯಾಗಿಸುವುದು ಸುಖದ ಹೊನಲು

- Vರ ( Venkatesha ರಂಗಯ್ಯ )

ತುಂಟ'ನಲ್ಲ'

2009-02-28T22:55:00.001-08:00

ಕಲ್ಲುಸಕ್ಕರೆ ಇವಳ ಗಲ್ಲ
ಕೆನ್ನೆಗಳೆರಡು ರಸಗುಲ್ಲ
ಸೊಂಟವ ಹಿಡಿಯಲು ಬಿಡಲಿಲ್ಲ
ಏಕೆಂದರೆ ನಾನು ಇವಳ ನಲ್ಲ ಅಲ್ಲವಲ್ಲ!!

- Vರ ( Venkatesha ರಂಗಯ್ಯ )

ಶೂರ್ಪನಖಿ (ಶಾಯರಿ)

2009-02-28T22:54:00.001-08:00

ಚೆಂದುಳ್ಳಿ ಚೆಲುವೆ ಎಂದು ಹೇಳಿದ್ದಳು
ನನ್ನ ಟೆಲಿಫೋನ್ ಸಖಿ
ಭೇಟಿಯಾದಾಗಲೇ ನನಗೆ ಗೊತ್ತಾಯಿತು
ಅವಳು ಶೂರ್ಪನಖಿ !!

- Vರ ( Venkatesha ರಂಗಯ್ಯ )

"ಮಿಸ್"ಕಾಲು (ಶಾಯರಿ)

2009-02-28T22:52:00.000-08:00

ಬರಲಿಲ್ಲ ಎಷ್ಟು ಹೊತ್ತಾದರು
ನನ್ನ ಪ್ರಿಯತಮೆಯ ಮಿಸ್ ಕಾಲು
ಆದರೆ ಒಂಟಿ ಕಾಲಲ್ಲಿ ನಿಂತು ಕಾಯುತ್ತಿದ್ದ
ನನಗೆ ನೋಯುತ್ತಿತ್ತು ಎಡಗಾಲು!!

- Vರ ( Venkatesha ರಂಗಯ್ಯ )

Once again "ಹೃದಯ ಗೀತೆ"

2009-02-19T22:05:00.000-08:00

ನಾ ಬರೆದ ಕವಿತೆಗಳು ನನ್ನ ಕವಿತೆಗಳಲ್ಲ
ಒಂಟಿಯಾಗಿದ್ದ ಹೃದಯ ಹೇಳಿದ ಮಧುರ ಮಾತುಗಳು
ಎಲ್ಲ ಪ್ರೇಮಗೀತೆಗಳಲ್ಲಿ ಇದ್ದಳು ಕನಸಿನ ಚೆಲುವೆ
ವಿರಹದ ಹಾಡುಗಳಲ್ಲಿ ತುಂಬಿಹೋಗಿದೆ ಅವಳಿಲ್ಲದ ನೋವೆ

ಸ್ನೇಹದಿಂದ ಪುಟಿದೇಳುವ ಪ್ರೀತಿ ಕಾರಂಜಿ
ಬೆಚ್ಚನೆಯ ಬಾಹುಗಳಲಿ ಆಗುವುದು ಪ್ರೀತಿ ಬಂದಿ
ನನ್ನ ಹೃದಯ ವೀಣೆ ಮೀಟುವ ಬೆರಳು ನಿನ್ನದು
ನಿನ್ನ ಜೊತೆಯಲ್ಲಿ ಜೀವಮಾನ ಕಳೆಯುವ ಆಸೆ ನನ್ನದು

ಇನ್ನು ಎಷ್ಟು ಕವಿತೆ ಬರೆಯುವುದು ಉಳಿದು ಹೋಗಿದೆಯೋ
ಇನ್ನು ಎಷ್ಟು ದಿನ ಅವಳಿಗಾಗಿ ನಾ ಕಾಯಬೇಕಿದೆಯೋ
ಎಷ್ಟು ದೂರ ಕ್ರಮಿಸಿದರು ಮುಗಿಯದು ದಾರಿ
ನೀನಿಲ್ಲದೆ ಹೇಗೆ ಸಾಗುವುದು ಪ್ರೀತಿಯ ಅಂಬಾರಿ

- Vರ ( Venkatesha ರಂಗಯ್ಯ )

ಹೂಮಾಲೆಯೋ....ಕಾಮಾಲೆಯೋ (ಶಾಯರಿ)

2009-01-29T09:46:00.000-08:00

ಅವಳ ಕಣ್ಣಿನ ನೋಟಗಳು ಚೆಂಡುಹೂವಿನ ಮಾಲೆ
ಅವಳ ಕಣ್ಣಿನ ನೋಟಗಳು ಚೆಂಡುಹೂವಿನ ಮಾಲೆ
ಆಮೇಲೆ ಗೊತ್ತಾಯಿತು ಅವಳಿಗಿದೆಯೆಂದು ಕಾಮಾಲೆ!!

- Vರ ( Venkatesha ರಂಗಯ್ಯ )

note : ಚೆಂಡು ಹೂವಿನ ಬಣ್ಣ ಹಳದಿ

ಕೈಲಾಸಾನಾ...ಉಪವಾಸಾನಾ (ಶಾಯರಿ)

2009-01-20T03:03:00.000-08:00

ಕಾಸಿದ್ರೆ ಧರೆಯಲ್ಲೇ ಕಾಣಬಹುದು ಕೈಲಾಸ
ಕಾಸಿದ್ರೆ ಧರೆಯಲ್ಲೇ ಕಾಣಬಹುದು ಕೈಲಾಸ
ಕಾಸಿಲ್ಲಾಂದ್ರೆ ಕಣ್ ಕಣ್ ಬಿಡೋ ಹಾಗೆ ಮಾಡುತ್ತೆ ಉಪವಾಸ !!

- Vರ ( Venkatesha ರಂಗಯ್ಯ )

ಕಾಸಿದ್ರೆ ಕೈಲಾಸ...ಇಲ್ಲಾಂದ್ರೆ ಉಪವಾಸ

ಪ್ರೀತಿ ನಮ್ಮ ಜೀವನ ಗಾಡಿ (ಶಾಯರಿ)

2009-01-20T01:59:00.000-08:00

ಕಾಸಿಗೂ ಪ್ರೀತಿಗೂ ಸಂಬಂಧ ಇದೆ ನೋಡಿ
ಕಾಸಿಗೂ ಪ್ರೀತಿಗೂ ಸಂಬಂಧ ಇದೆ ನೋಡಿ
ಕಾಸು ಒಂದು ಕುದುರೆ, ಪ್ರೀತಿ ನಮ್ಮ ಜೀವನ ಗಾಡಿ

- Vರ ( Venkatesha ರಂಗಯ್ಯ )

ಪ್ರೀತಿ ಒಂಟಿಯಲ್ಲ (ಶಾಯರಿ)

2009-01-20T01:58:00.000-08:00

ನಿಜವಾದ ಪ್ರೀತಿ ಎಂದಿಗೂ ಒಂಟಿಯಲ್ಲ
ನಿಜವಾದ ಪ್ರೀತಿ ಎಂದಿಗೂ ಒಂಟಿಯಲ್ಲ
ಏಕೆಂದರೆ ಪ್ರೀತಿಯನು ಉಳಿಸಲು ಒಲವು ಜೊತೆಗಿರುತ್ತದಲ್ಲ!!

- Vರ ( Venkatesha ರಂಗಯ್ಯ )

ಪ್ರೀತಿ ಅಂದ್ರೆ ಹುಡುಗಿ ಅಲ್ಲ (ಶಾಯರಿ)

2009-01-20T01:46:00.001-08:00

ಪ್ರೀತಿಯ ಅನ್ವರ್ಥ ಹುಡುಗಿ ಅಲ್ಲ ಗೆಳೆಯ
ಪ್ರೀತಿಯ ಅನ್ವರ್ಥ ಹುಡುಗಿ ಅಲ್ಲ ಗೆಳೆಯ
ಮುಕ್ತ ಮನಸಿಂದ ನೀ ಪ್ರೀತಿಸೋದು ನಿನಗೆ ಸಿಗುತ್ತೆ ತಿಳಿಯ

- Vರ ( Venkatesha ರಂಗಯ್ಯ )

ಕಾಸಿನ ಮಹಾತ್ಮೆ (ಶಾಯರಿ)

2009-01-20T01:10:00.000-08:00

ಕಾಸಿನಿಂದ ಪಡೆದ ಪ್ರೀತಿ ಉಳಿಯೋದು ಮೂರೇ ದಿನ
ಕಾಸಿನಿಂದ ಪಡೆದ ಪ್ರೀತಿ ಉಳಿಯೋದು ಮೂರೇ ದಿನ
ಪ್ರೀತಿಯಿಂದ ಗಳಿಸಿದ ಕಾಸು ಉಳಿಯುವುದು ಸಾವಿರಾರು ದಿನ !!

- Vರ ( Venkatesha ರಂಗಯ್ಯ )

ಕಾರ್ಡ್...ವಾರ್ಡ್ (ಶಾಯರಿ)

2009-01-20T00:22:00.000-08:00

ಹುಡುಗಿಯರ ಕೈಗೆ ಸಿಕ್ಕರೆ ನಿನ್ನ ಕ್ರೆಡಿಟ್ ಕಾರ್ಡ್
ಹುಡುಗಿಯರ ಕೈಗೆ ಸಿಕ್ಕರೆ ನಿನ್ನ ಕ್ರೆಡಿಟ್ ಕಾರ್ಡ್
ಕೊನೆಗೆ ನಿನಗೆ ಸಿಗುವುದು ಒಂದೇ ನಿಮ್ಹಾನ್ಸ್ ವಾರ್ಡ್!!!

- Vರ ( Venkatesha ರಂಗಯ್ಯ )

ಗುಲಾಬಿ ಕೊಟ್ಟಳು ಜಿಲೇಬಿ ( ಶಾಯರಿ )

2009-01-19T21:53:00.001-08:00

ಚಾಲಾಕಿ ಚೆಂದುಳ್ಳಿ ಚೆಲುವೆ ಅವಳು ಒಂದು ಕೆಂಪು ಗುಲಾಬಿ
ಚಾಲಾಕಿ ಚೆಂದುಳ್ಳಿ ಚೆಲುವೆ ಅವಳು ಒಂದು ಕೆಂಪು ಗುಲಾಬಿ
ನನ್ನದೆಲ್ಲವ ದೋಚಿಕೊಂಡು ಕೊನೆಗೆ ಕೊಟ್ಟಳು ಕೈಗೆ ಒಂದು ಜಿಲೇಬಿ!!
- Vರ ( Venkatesha ರಂಗಯ್ಯ )

ವಿ. ಸೂ : ನೆನ್ನೆ Dil chahta hai ಫಿಲ್ಮ್ ನೋಡ್ತಾ ಇದ್ದೆ. ಅದರಲ್ಲಿ ಸೈಫ್ ಹೀಗೇನೆ ಮೋಸ ಹೋಗಿದ್ದು :-)

ಸಂಕ್ರಾಂತಿ

2009-01-13T21:23:00.000-08:00

ಸೂರ್ಯನು ಹೊಸ ಪಥಸಂಚಲನ ಶುರುಮಾಡುವ ವೇಳೆ
ಹೊಲ ಗದ್ದೆಗಳಲ್ಲಿ ತುಂಬಿರುವುದು ಕಬ್ಬಿಣ ಬೆಳೆ
ಸಂಕ್ರಾಂತಿ ಮತ್ತೆ ಬಂತು ಹಸಿರನ್ನು ಹೊತ್ತು ಬಂತು
ಬಾಳಿಗೆ ನನ್ನ ನಲ್ಲೆ ಸಿಹಿಗೆ ಕಬ್ಬಿನ ಜಲ್ಲೆ
ಎಲ್ಲಾನು ಬೀರೋಣ ಸಿಹಿಯನು ಹಂಚೋಣ
ಸಂಕ್ರಾಂತಿ ಮತ್ತೆ ಬಂತು ಬದುಕಲಿ ಹೊಸತನ ತಂತು
ಮುಂಜಾನೆ ರವಿಗೆ ಇಂದು ಹೊಸ ಪಯಣ
ಅವನ ಜೊತೆಯಲ್ಲಿ ನಾವಿ ಸಾಗೋಣ

- Vರ ( Venkatesha ರಂಗಯ್ಯ )

ಕಾರಣ...ಹೂರಣ (ಶಾಯರಿ)

2009-01-13T03:26:00.000-08:00

ಕೆಲವರಿಗೆ ಇರುವುದೇ ಇಲ್ಲಾ ಜಗಳವಾಡಲು ಕಾರಣ
ಕೆಲವರಿಗೆ ಇರುವುದೇ ಇಲ್ಲಾ ಜಗಳವಾಡಲು ಕಾರಣ
ಆದರು ಜಗಳವಾಡಲು ಹುಡುಕುತ್ತಿರುತ್ತಾರೆ ಹೂರಣ
- Vರ ( Venkatesha ರಂಗಯ್ಯ )

ಕವನ...ನಮನ ( ಶಾಯರಿ)

2009-01-12T22:48:00.000-08:00

ಹೆಂಡತಿ ಇಲ್ಲದಿದ್ದರು ಬರೆಯುತ್ತಿರುವೆ ಶಾಯರಿ ಕವನ
ಹೆಂಡತಿ ಇಲ್ಲದಿದ್ದರು ಬರೆಯುತ್ತಿರುವೆ ಶಾಯರಿ ಕವನ
ಇಷ್ಟೆಲ್ಲಾ ಬರೆಯಲು ಸ್ಪೂರ್ತಿ ಕೊಟ್ಟವರೆಲ್ಲರಿಗೂ ಹೇಳಲೇಬೇಕು ನಮನ

- Vರ ( Venkatesha ರಂಗಯ್ಯ )

ಸ್ಯಾರಿ....ಸ್ಯಾಲರಿ (ಶಾಯರಿ )

2009-01-12T21:42:00.000-08:00

ನನ್ನ ಹೆಂಡತಿಗೆ ಬೇಕು ವಾರಕ್ಕೆ ಮೂರು ಹೊಸ ಸ್ಯಾರಿ
ನನ್ನ ಹೆಂಡತಿಗೆ ಬೇಕು ವಾರಕ್ಕೆ ಮೂರು ಹೊಸ ಸ್ಯಾರಿ
ಒಂದೇ ವಾರದಲ್ಲಿ ಕರಗಿತು ನನ್ನ ಪೂರ್ತಿ ಸ್ಯಾಲರಿ !!

- Vರ ( Venkatesha ರಂಗಯ್ಯ )

ಹೆಂಡ 'ಅತಿ' ( ಶಾಯರಿ )

2009-01-12T21:40:00.000-08:00

ದಡೂತಿ ಜಗಳಗಂಟಿ ನನ್ನ ಹೆಂಡತಿ
ದಡೂತಿ ಜಗಳಗಂಟಿ ನನ್ನ ಹೆಂಡತಿ
ಅವಳಿಂದಾಗಿಯೇ ಆಗಿದ್ದು ನಾ ಕುಡಿವ ಹೆಂಡ 'ಅತಿ'!!

- Vರ ( Venkatesha ರಂಗಯ್ಯ )

ದನಿ ಇರದ ಮೌನ

2009-01-11T08:15:00.000-08:00

ಪದೇ ಪದೇ ನಿನ್ನ ನೆನಪಿಸಿಕೊಂಡಾಗ
ಬಿಕ್ಕಳಿಸಿ ಅಳುತಿದೆ ಮನಸು
ಯಾರದೋ ದನಿಯ ಕೇಳಿ
ತಿರುಗಿ ನೋಡುತಿದೆ ಹೃದಯ
ನೀ ಸನಿಹ ಬಂದಿಲ್ಲವೆಂದು ತಿಳಿದು
ಬೇಸರದಿಂದ ಮುದುಡಿಕೊಳ್ಳುತ್ತಿದೆ ಕಣ್ಣು

ಪ್ರೀತಿಯು ಹೃದಯದಲ್ಲಿ ಬಂದಿಯಾಗಿದೆ
ಯಾತನೆಯ ಅನುಭವಿಸದೆ ನರಳುತ್ತಿದೆ
ಬಿಡುಗಡೆಗಾಗಿ ನಿನಗಾಗಿ ದಾರಿ ಕಾಯುತ್ತಿದೆ
ನಾನು ಪ್ರೀತಿ ಪಡೆಯಲು ಕಾದು ಕುಳಿತಿರುವ ಪರಾವಲಂಬಿ
ನನ್ನಷ್ಟಕ್ಕೆ ನಾನು ದುಃಖವ ನುಂಗುವ ಸ್ವಾವಲಂಬಿ

ನೀನಿಲ್ಲದ ನೋವಿನ ಅಲೆಗಳು ಬಂದೆರಗಿ ಅಪ್ಪಳಿಸುತ್ತಿವೆ
ನೀನಾಡಿದ ಸವಿ ಮಾತುಗಳು ಎದೆಯಲ್ಲಿ ಪ್ರತಿದ್ವನಿಸುತ್ತಿವೆ
ನನ್ನ ಮೌನದೊಂದಿಗೆ ಸೇರಿ ವಿರಹದ ಹಾಡಗಿವೆ

- Vರ ( Venkatesha ರಂಗಯ್ಯ )

ನಗೆ ಹನಿ

2009-01-05T04:06:00.000-08:00

ತಪ್ಪು ಮಾಡದೆ ಇದ್ದರು
ನಮ್ಮ ಗುಂಡ ಕಂಡ ಜೈಲು
ಪೊಲೀಸರ ಏಟಿಗೆ ಬಿಡುಗಡೆಗೆ
ಮುಂಚೆಯೇ ಆಗಿದ್ದ ಐಲು !!

- Vರ ( Venkatesha ರಂಗಯ್ಯ )

ಜನ್ಮ ಜನ್ಮದ ಗೆಳತಿ

2008-12-28T21:36:00.000-08:00

ಟ್ರಿನ್ ಟ್ರಿನ್ ಟ್ರಿನ್ ರಿಂಗಣ ಮೊಳಗಲು
ಆ ಕಡೆ ಇರುವ ನೀವು ಯಾರೆಂದು ನಾ ಕೇಳಲು
ಸಿಹಿಯಾದ ದನಿಯೊಂದು ಅತ್ತಕಡೆಯಿಂದ ಬಂದಿತು
ಸೊಗಸಾದ ಕನಸಿರಬಹುದೆಂದು ಮೊದಲು ನನಗನಿಸಿತು

ನಿಮ್ಮ ಹೆಸರೇನೆಂದು ನಾ ಮತ್ತೆ ಕೇಳಲು
ಅಯ್ಯೋ ತಪ್ಪಾಗಿ ನಿಮಗೆ ಕರೆ ಮಾಡಿದೆ ಎಂದು ದನಿ ನುಡಿಯಿತು
ಆಕಸ್ಮಿಕ ಕರೆಯಿಂದ ಗೆಳತಿಯೊಬ್ಬಳು ಸಿಕ್ಕಳೆಂದು ನನಗನಿಸಿತು

ಅರೆ ಕ್ಷಣ ಮೌನದ ನಂತರ ಒಟ್ಟಿಗೆ ಕೇಳಿದೆವು ಹೆಸರೇನೆಂದು
ಅವಳೆಂದಳು ಲಕ್ಷ್ಮಿ ನಾನೆಂದೆನು ವೆಂಕಟೇಶ

ಒಂದು ಕ್ಷಣ ಅವಳು ಯಾವುದೊ ಜನ್ಮದ ಗೆಳತಿಯೆಂದು ಅನಿಸಿತು
ಮರುಕ್ಷಣ ಸ್ನೇಹದ ಆಹ್ವಾನವ ಮನಸು ಅವಳಿಗೆ ಕಳಿಸಿತು
ತತ್ ಕ್ಷಣ ಮುಗುಳ್ನಗೆಯೊಂದಿಗೆ ಅವಳಿಂದ ಒಪ್ಪಿಗೆ ಬಂದಿತು

ಇಬ್ಬರ ಮೊಗದಲ್ಲಿ ಹೊರಹೊಮ್ಮಿತು ಹರುಷ
ದೇವರಲ್ಲಿ ಬೇಡಿದೆ ಇರಲೆಂದು ಈ ಸ್ನೇಹ ನೂರು ವರುಷ

ಇಂತಿ ನಿಮ್ಮ ಪ್ರೀತಿಯ
-Vರ ( Venkatesha ರಂಗಯ್ಯ )

ಒಂಟಿ ಮನಸಿನ ಪಯಣ

2008-12-01T03:34:00.000-08:00

ಒಂಟಿ ಮನಸಿಗೆ ಜಂಟಿಯಾಗಲು
ಜೊತೆಗಾರರು ಯಾರು ಇಲ್ಲ
ಮಾತುಗಳು ಬಹಳ ಕೇಳುವವರು ವಿರಳ
ಶುರುವಿಟ್ಟಿಹುದು ತಂತಾನೆ ಮಾತಾಡಿಕೊಳ್ಳುವುದು

ಅರಿವುಂಟು ಈ ಮನಕೆ ಕೇಳುವ ಕಿವಿಗಳು
ಈ ಜಗದಲ್ಲಿ ಇಲ್ಲ ಎಂದು
ಭಯವೂ ಇಲ್ಲ ಕರೆಯುವರು ಇದನ್ನ ಹುಚ್ಚು ಎಂದು

ದುಃಖ ಉಮ್ಮಳಿಸಿದಾಗ ಕಣ್ಣೀರು ಹರಿದಾಗ
ಬತ್ತಿ ಹೋಗುತಿದೆ ತಂತಾನೆ ಒರೆಸುವರು ಇಲ್ಲದಂತಾಗಿ
ಪ್ರಶ್ನೆಯ ಮೇಲೆ ಪ್ರಶ್ನೆಯ ಹಾಕುತಿದೆ
ಯಾರ ಹತ್ತಿರ ದುಖ ಕೊಳ್ಳಲಿ ಎಂದು
ಬೆಟ್ಟದಷ್ಟಿಹುದು ಮನಸಿನ ಕನಸುಗಳು
ಕೊನೆಯೇ ಇಲ್ಲದ ಮುಗಿಲಂತಿಹುದು ಮನಸಿನ ಮಾತುಗಳು

ಬರೆಯುತ್ತೆ ಹಾಡುತ್ತೆ ನಡೆಯುತ್ತೆ ಕುಣಿಯುತ್ತೆ
ತಂಗಾಳಿಯಲ್ಲಿ ತೇಲಾಡುತ್ತೆ ಯಾವಾಗಲು ಒಂಟಿಯಾಗಿರುತ್ತೆ
ಈ ಬಾಳ ಬಂಡಿಯಲಿ ತಾನೊಬ್ಬನೇ
ಪಯಣಿಗನೆಂದು ಅರಿತು ಮತ್ತೆ ಮುನ್ನುಗ್ಗುತ್ತೆ

- Vರ ( Venkatesha ರಂಗಯ್ಯ )

ದೀಪಾವಳಿ - ಚೆಲ್ಲುತಿದೆ ಮನಕೆ ಬೆಳಕು

2008-10-23T23:40:00.000-07:00

ಮರಳಿ ಬಂದಿವುದು ದೀಪಾವಳಿ
ಹಚ್ಚಲೆಂದು ಮನೆ ಮಂದಿಯೆಲ್ಲ ದೀಪ
ಚೆಲ್ಲಲಿ ದೀಪದ ಬೆಳಕು ಎಲ್ಲರ ಬಾಳಲ್ಲಿ
ತರಲಿ ಇದು ಹರುಷವ ಎಲ್ಲರ ಮನದಲ್ಲಿ
ಬೆಳಕಾಗಲಿ ಜಗವೆಲ್ಲ ಬೆಳಗಲಿ ಬದುಕೆಲ್ಲ
ಹಚ್ಚೋಣ ದೀಪ ಕಳೆದುಕೊಳ್ಳೋಣ ಪಾಪ
ಉರಿಯಲಿ ದೀಪ ಸದಾ ಎಲ್ಲ ಮನೆಗಳಲ್ಲಿ
ಇದು ಕತ್ತಲೆ ಹೊಡೆದೊಡಿಸೋ ದೀಪ
ಬೆಳಕು ಚೆಲ್ಲಿ ದಾರಿ ತೋರಿಸೋ ದೀಪ
ಮನಸೆಂಬ ದೀಪಕ್ಕೆ ಒಲವೆಂಬ ಎಣ್ಣೆಯನು ಎರೆಯೋಣ
ಪ್ರೀತಿಯಿಂದ ಮನಸಿನ ದೀಪವನು ಹಚ್ಚೋಣ
ದೀಪಾವಳಿಯ ಶುಭಾಶಯ ಹೇಳುತ ಪ್ರೀತಿಯನು ಹಂಚೋಣ

-Vರ ( Venkatesha ರಂಗಯ್ಯ )

ಜಿಪುಣ ನನ್ನ ಗಂಡ

2008-10-07T22:16:00.000-07:00

ಮೈಸೂರು ದಸರೆಗೆ ಹೋಗೋಣ ಬಾರೇ
ಚಾಮುಂಡಿ ದೇವಿಯ ಅಂಬಾರಿ ನೋಡೋಣ ಬಾರೇ
ಜಗಮಗಿಸುತಿದೆ ಮೈಸೂರು ಬೆಳಕಲ್ಲಿ
ಕೈ ಬೀಸಿ ಕರೆಯುತಿದೆ ರಂಗವಲ್ಲಿ
ಜಟಕಾ ಕುದುರೆ ಹತ್ತಿ ಮೈಸೂರು ಸುತ್ತೋಣ
ಕೃಷ್ಣ ರಾಜ ಸಾಗರದಲ್ಲಿ ಮೈ ಮರೆಯೋಣ
ಜೇಬ್ರ ಕೋಬ್ರಾ ಹುಲಿ ಸಿಂಹ zooನಲ್ಲಿ
ಸೂಟು ಬೂಟು ರಾಜಾಸೀಟು ಅರಮನೆಯಲ್ಲಿ
ಇನ್ನೇನು ನೋಡಬೇಕು ಕೇಳು ಜಾಣೆ
ಗ್ಯಾರೆಂಟಿ ಕರಕೊಂಡು ಹೋಗ್ತೀನಿ ನಿನ್ನಾಣೆ
ಬರೀ ಸುಳ್ಳು ಬರೀ ಸುಳ್ಳು ನಾನು ನಂಬೋದಿಲ್ಲ
ನಾನು ಕರಕೊಂಡು ಹೋಗೋಕೆ ಹೇಳಿದ್ದು ಲಲಿತ್ ಮಹಲ್ ಗೆ
ಆದ್ರೆ ನೀವು ಕರಕೊಂಡು ಹೋಗಿದ್ದು ಒಂಟಿಕೊಪ್ಪಲ್ ಗೆ
ನಾನು ನಂಬೋದಿಲ್ಲ ನಿಮ್ಮನ್ನ ನಾನು ನಂಬೋದಿಲ್ಲ .

ಇಂತಿ ನಿಮ್ಮ ಪ್ರೀತಿಯ
-Vರ ( Venkatesha ರಂಗಯ್ಯ )

ನಿಮ್ಮ ಹುಡುಗಿನ ನೀವು ಎಷ್ಟು ಅರ್ಥ ಮಾಡಿಕೊಂಡಿದೀರ ???

2008-09-15T05:28:00.000-07:00

ಹುಡುಗೀರಿಗೂ ಹೂವಿಗೂ ಹೋಲಿಕೆ ಇದೆ ಅನ್ನೋದನ್ನ ನಮ್ಮ ಶ್ರೇಷ್ಠ ಕವಿಗಳು ಅವರ ಕವನದಲ್ಲಿ ಆಗ್ಲೇ ಬರೆದಿದ್ದಾರೆ. ಈ ಸತ್ಯಾನ ನಮಗೆ ಸಾರಿ ಹೇಳಿದಾರೆ. ಆದರೆ ಹೂವಿಗೂ ಹೆಣ್ಣಿಗೂ ಇರುವ ಹೋಲಿಕೆ ನಮಗಿನ್ನು ಸರಿಯಾಗಿ ಗೊತ್ತಿಲ್ಲ ಅನ್ನೋದು ನನ್ನ ಭಾವನೆ. ಇದರ ಬಗ್ಗೆ ನನ್ನ ಅಭಿಪ್ರಾಯ ಇಲ್ಲಿದೆ ನೋಡಿ. ಎಷ್ಟು ಜಾತಿ ಹೂವುಗಳು ಈ ಪ್ರಪಂಚದಲ್ಲಿ ಇದಾವೋ ಅಷ್ಟು ರೀತಿಯ ಹುಡುಗೀರು ಇದಾರೆ ಸ್ವಾಮಿ. ಕೆಲವರು ಮಲ್ಲಿಗೆ ಇದ್ದ ಹಾಗೆ, ಇನ್ನು ಕೆಲವರು ಗುಲಾಬಿ ಇದ್ದ ಹಾಗೆ, ಇನ್ನು ಕೆಲವರು ಸಂಪಿಗೆ, ಇನ್ನು ಕೆಲವರು ಕಾಲಿಫ್ಲೋವೆರ್ !!!. ಹೀಗೆ ಇನ್ನು ಅನೇಕಾನೇಕ ಹುಡುಗೀರು ಇದಾರೆ. ಒಂದು ಹುಡುಗಿ ಯಾವ್ ಜಾತಿ ಹೂವಿಗೆ ಸೇರುತ್ತಾಳೆ ಅನ್ನೋದು ಹೂವಿನ ಗುಣ ಮತ್ತು ಹೆಣ್ಣಿನ ಗುಣದ ಹೋಲಿಕೆಯಿಂದ ಗೊತ್ತಾಗುತ್ತೆ. ಒಂದು ಉದಾಹರಣೆ ಇಲ್ಲಿ ಕೊಡ್ತೀನಿ. ಗುಲಾಬಿ ಹೂವಿನಲ್ಲಿ ಮ್ರುದುತ್ವನು ಇದೆ, ಚುಚ್ಚೋ ಸ್ವಭಾವನು ಇದೆ. ಗುಲಾಬಿ ಹೂವಿನ ಎಲೆ ಮುಟ್ಟಿದಾಗ ಆನಂದ ಸಿಗುತ್ತೆ, ಮುಳ್ಳು ಮುಟ್ಟಿದಾಗ ನೋವಾಗುತ್ತೆ. ಗುಲಾಬಿ ಥರ ಇರೋ ಹುಡುಗೀರು ಕೆಲವು ಸಲ ಅವರ ಒಳ್ಳೆತನದಿಂದ ತುಂಬ ಖುಷಿಯಾಗಿರ್ತಾರೆ. ಕೆಲವು ಸಲ ಸಕತ್ ಕಿರ್ಕಿರಿ ಮಾಡ್ತಾರೆ. ಇನ್ನು ಕೆಲವರು ನೋಡೋದಿಕ್ಕೆ ಸೀದಾ ಸಾದಾ ಥರ ಇರ್ತಾರೆ ಆದ್ರೆ ತುಂಬ ತಲೆ ತಿಂತಾರೆ. ಹೀಗೆ ಯೋಚನೆ ಮಾಡಿದ್ರೆ ಹೋಲಿಕೆಗಳು ಸಿಗ್ತವೆ. ನಾನು ಹೇಳ್ತಾ ಇರೋದು ನೂರಕ್ಕೆ ನೂರರಷ್ಟು ಸತ್ಯ ಅಂತ ಅಲ್ಲ..ಕೆಲವು ಹೋಲಿಕೆಗಳು ಇದ್ದೆ ಇರ್ತವೆ ಅನ್ನೋದು ನನ್ನ ಅಭಿಪ್ರಾಯ. ಹೂವಿನ ಗುಣದ ಬಗ್ಗೆ ನಮಗೆ ಚೆನ್ನಾಗಿ ಗೊತ್ತಿರೋದ್ರಿಂದ ನಿಮ್ಮ ಮನದರಸಿ ಗುಣ ಯಾವುದು ಅಂಥ ಅರ್ಥ ಮಾಡಿಕೊಳ್ಳೋಕೆ ಸುಲಭ ಆಗುತ್ತೆ. ಅವರ ಗುಣ ಅರ್ಥ ಆದಾಗ , ಅವರ ಜೊತೆ ಹೇಗೆ ಇರಬೇಕು ಅನ್ನೋದು ಗೊತ್ತಾಗುತ್ತೆ. ಈ ಸತ್ಯ ತಿಳಿದಾಗ ಹೂವು(ಹುಡುಗಿ) ಬಾಡದ (ಬೇಜಾರಾಗದ) ಹಾಗೆ ನೀವು ನೋಡಿಕೊಳ್ತೀರ. ಆಗ ನಿಮ್ಮ ಜೀವನ ಸಕತ್ ಚೆನ್ನಾಗಿರುತ್ತೆ....ನೀವೇನಂತೀರಾ ಗೆಳೆಯರೇ ಮತ್ತು ಗೆಳತಿಯರೆ ?

ಇಂತಿ ನಿಮ್ಮ ಪ್ರೀತಿಯ
-Vರ ( Venkatesha ರಂಗಯ್ಯ )

ರಂಗೋಲಿ ನಾಯಕಿ

2008-09-11T23:27:00.000-07:00

ಮನೆಯ ಮುಂದಿರುವ ರಂಗೋಲಿ ನಲಿಯುತಲಿ
ಹಾಕಿದ ನಾರಿ ನಿಂತಿಹಳು ಬಾಗಿಲ ಬಳಿ
ಕಣ್ಣಿಂದ ಆಹ್ವಾನ ಬಂದಿವುದು ನಗೆ ಚೆಲ್ಲುತ್ತ
ಬೇರೆ ಯಾರಿಗೋ ಇರಬಹುದೆಂದು ನೋಡಿದೆ ಸುತ್ತ ಮುತ್ತ
ಕಂಡಳು ಎಂದು ನಾ ಕಾಣದ ರಾಜಕುಮಾರಿಯಂತೆ
ಕಾಣುತಿಹಳು ಅತಿಸುಂದರ ಅಲಂಕಾರಗಳೇ ಇಲ್ಲದಂತೆ
ಕಣ್ಣ್ ರೆಪ್ಪೆಗಳು ಏನನ್ನೋ ಸನ್ನೆ ಮಾಡುತ್ತಿವೆ ಅವಳಿಗೆ ಅರಿವಿಲ್ಲದಂತೆ
ಅವಳ ಕಣ್ಣುಗಳಿಗೆ ಸೋತುಹೋಗಿ ನಾ ಬಯಸುತಿರುವೆ ಅವಳ ಜೊತೆ

-Vರ ( Venkatesha ರಂಗಯ್ಯ )

ಮುಂಗಾರು ಮಿಂಚು

2008-09-10T05:38:00.000-07:00

ಮುಂಗಾರಿನ ಮಿಂಚಂತೆ ನನ್ನೆದುರು ನೀ ಬಂದೆ
ಮತ್ತೆ ಸುಳಿವಿಲ್ಲದಂತೆ ಮರೆಯಾಗಿ ಹೋದೆ
ಸುರಿದಿತ್ತು ಕಂಬನಿ ನನ್ನೆದೆಯಲ್ಲಿ ನೀನಿಲ್ಲದೆ
ಕಣ್ಣ ಹನಿಗಳು ಬೋರ್ಗರೆಯುತ್ತಿವೆ ನಿನ್ನನ್ನು ಕರೆಯಲು
ಪ್ರತಿಯೊಂದು ಹನಿ ಇಂದು ಹೇಳುತಿದೆ ಮಾತೊಂದು
ಬಯಸುತಿದೆ ಮನಸಿಂದು ನೀ ಸನಿಹ ಬೇಕೆಂದು
ನನ್ನ ಹೃದಯವನು ಕದ್ದೆ ಜೊತೆಯಲ್ಲೇ ನಿದ್ದೆಯನು ಕದ್ದೆ
ನಿನ್ನ ನೋಡಲಾರದೆ ಮುಚ್ಚಲೊಪ್ಪವು ಕಣ್ಣುಗಳು
ಕಾರ್ಮೋಡ ಧರೆಗಿಳಿಯಲು ಕಾದಿರುವಂತೆ
ತುದಿಗಾಲಲ್ಲಿ ನಿಂತು ನಿನಗಾಗಿ ನಾ ಕಾಯುತಿರುವೆ.

-Vರ ( Venkatesha ರಂಗಯ್ಯ )

ಕನ್ನಡ ಟಿವಿ ವಾಹಿನಿಯಲ್ಲಿ ಪ್ರಸಾರ ಆಗ್ತ ಇರುವ ಸ್ವಾಭಾವಿಕ ಕಾರ್ಯಕ್ರಮ(ರಿಯಾಲಿಟಿ ಶೋ) ದ ಯಶಸ್ಸಿಗೆ ಹಿಂದಿ ಇಂಗ್ಲಿಷ್ ಅವಶ್ಯಕತೆ ಇದೆಯೇ ?

2008-09-09T22:52:00.000-07:00

ನನ್ನ ಪ್ರೀತಿಯ ಕನ್ನಡಿಗರೇ, ನಮ್ಮ ಭಾಷೆ ಕನ್ನಡದ ಸ್ಥಿತಿ ಗತಿ ಏನಾಗಿದೆ ಅನ್ನೋ ವಿಷಯ ಸುಮಾರು ದಿನದಿಂದ ನನಗೆ ಕಾಡ್ತಾನೆ ಇದೆ. ಮೊನ್ನೆ ಹೀಗೆ ಯೋಚನೆ ಮಾಡ್ತಾ ಇದ್ದೆ. ಆಗ ನನಗೆ ಕಾಡಿದ ಪ್ರಶ್ನೆ " ಕನ್ನಡ ಟಿವಿ ವಾಹಿನಿಯಲ್ಲಿ ಪ್ರಸಾರ ಆಗ್ತ ಇರುವ ಸ್ವಾಭಾವಿಕ ಕಾರ್ಯಕ್ರಮ(ರಿಯಾಲಿಟಿ ಶೋ) ದ ಯಶಸ್ಸಿಗೆ ಹಿಂದಿ ಇಂಗ್ಲಿಷ್ ಅವಶ್ಯಕತೆ ಇದೆಯೇ ? " . ನಾನು ಇತ್ತೀಚೆಗೆ ಗಮನಿಸ್ತಾ ಇರೋದು ಏನಂದ್ರೆ ಮಕ್ಕಳು ಹಿಂದಿ ಹಾಡಿಗೆ ನೃತ್ಯ ಮಾಡ್ತಾರೆ ಇಲ್ಲ ದೊಡ್ಡವರು ಹಿಂದಿ ಹಾಡುಗಳನ್ನ ಹಾಡ್ತಾರೆ. ಯಾಕ್ ಸ್ವಾಮಿ ಕನ್ನಡದಲ್ಲಿ ಚೆನ್ನಾಗಿರೋ ಹಾಡುಗಳು ನಿಮಗೆ ಸಿಗೊದಿಲ್ವೆ. ಅರ್ . ಏನ್ . ಜಯಗೋಪಾಲ್ , ಚಿ. ಉದಯಶಂಕರ್, ವಿಜಯನಾರಸಿಂಹ ಅಂಥವರು ಎಷ್ಟು ಚೆನ್ನಾಗಿ ಒಳ್ಳೆ ಹಾಡುಗಳನ್ನ ಬರೆದಿದ್ದಾರೆ. ನಮ್ಮ ಹಾಡುಗಳನ್ನ ಹಾಡೋದು ಬಿಟ್ಟು ನಿಮಗೆ ಹಿಂದಿ ಹಾಡೇ ಆಗಬೇಕೆ ಹಾಡೋದಿಕ್ಕೆ, ನಿಮ್ಮ ಪ್ರತಿಭೆನಾ ತೋರಿಸೋದಿಕ್ಕೆ. ರಿಯಾಲಿಟಿ ಶೋ ಕಾರ್ಯಕ್ರಮದ ಇನ್ನೊಂದು ವಿಶೇಷ ಏನಂದ್ರೆ ಕಾರ್ಯಕ್ರಮ ಶುರು ಆಗೋದೇ ಆಂಗ್ಲ ಆಮಂತ್ರಣ ವಾಕ್ಯದಿಂದ. ಹಾಡು ಹೇಳಿದವರಿಗೆ, ನೃತ್ಯ ಮಾಡಿದವರಿಗೆ ಪ್ರಶಂಸೆ ಕೂಡ ಸಿಗೋದು ಇಂಗ್ಲಿಷ್ನಲ್ಲೇ . ನಮ್ಮ ಜಡ್ಜಸ್ಗಳೆಲ್ಲ ಕನ್ನಡ ಚಿತ್ರರಂಗದ ಅತಿರತ ಮಹಾರತರೆ. ನಿಮಗೆ ನಾನು ಕೇಳೋದು ಒಂದೇ ಪ್ರಶ್ನೆ , ಕನ್ನಡದಲ್ಲಿ ಮಾತಾಡಿದ್ರೆ ನಿಮಗೆ ಅವಮಾನ ಆಗುತ್ತ. ಟಿವಿ ಸಂದರ್ಶನದಲ್ಲಿ ಕೂಡ ನಿಮ್ಮ ಚಿತ್ರಗಳ ಬಗ್ಗೆ ಮಾತಾಡ್ಬೇಕಾದ್ರೆ ಇಂಗ್ಲಿಷ್ ನಲ್ಲಿ ಮಾತಾಡಿದ್ರೆ ಸತ್ಯವಾಗಲು ಕನ್ನಡಿಗರು ನಿಮ್ಮ ಚಿತ್ರನ ನೋಡಲ್ಲ. ಕನ್ನಡಕ್ಕೆ ಶಾಸ್ತ್ರೀಯ ಸ್ಥಾನ ಮಾನ ಸಿಗೋದಕ್ಕೆ ನಾವೆಲ್ಲ ಒಗ್ಗಟ್ಟಾಗಿ ದುಡಿತ ಇರಬೇಕಾದ್ರೆ, ನೀವು ಹೀಗೆ ಮಾಡ್ತಾ ಇರೋದು ಸರೀನಾ???

ಇಂತಿ ನಿಮ್ಮ ಪ್ರೀತಿಯ
-Vರ ( Venkatesha ರಂಗಯ್ಯ )

ನಟಸಾರ್ವಭೌಮನಿಗೆ ನಮಸ್ಕಾರ

2008-09-09T22:43:00.001-07:00

ಕನ್ನಡ ನಾಡಿನ ಹೆಮ್ಮೆಯ ಕುವರ
ನಮ್ಮ ನಿಮ್ಮೆಲ್ಲರ ರಾಜಕುಮಾರ
ಹುಟ್ಟಿದ್ದು ತಾಯಿಯ ತವರೂರಾದ ಗಾಜನೂರು
ಹುಟ್ಟಿ ಬೆಳೆಯಿತು ಇವರ ಅಭಿಮಾನಿ ಬಳಗ ಸಾವಿರಾರು
ನಡೆ ನುಡಿಯಲ್ಲಿ ಇವರೆಂದು ಸರಳ ಸಜ್ಜನ
ಆದರು ಸೆಳೆದು ಹಿಡಿದಿಟ್ಟಿತು 108 ದಿನ ಕಾನನ
ಒಲಿದು ಬಂದವು ಇವರಿಗೆ ಪ್ರಶಸ್ತಿಗಳು ಅನೇಕಾನೇಕ
ತರಲಿಲ್ಲ ಅವು ಎಂದು ಗರ್ವ ಅಹಂಕಾರ
ಹಾಡಿ ಹರಡಿದರು ಕನ್ನಡದ ಕಂಪನ್ನು
ಬೆಳೆಸಿದರು ಮುಗಿಲೆತ್ತರಕೆ ಕನ್ನಡವನ್ನು
ಗಳಿಸಿದರು ಈ ನಾಡ ಜನರ ಪ್ರೀತಿಯನ್ನು
ದೀಪ ಹಾರಿ ಹೋಯಿತಾದರೂ ಕೊಟ್ಟ ಬೆಳಕು ನಿರಂತರ
ಜನ ಮಾನಸದಲ್ಲಿ ರಾಜಣ್ಣ ಎಂದೆಂದೂ ಅಜರಾಮರ

-Vರ ( Venkatesha ರಂಗಯ್ಯ )

ಪ್ರೀತಿಯ ಫಿಲಾಸಫಿ

2008-09-09T04:18:00.000-07:00

ಪ್ರೀತಿ ಕಣ್ಣಿಗೆ ಕಾಣೋಲ್ಲ ಆದರು ನಾವು ಅನಂದಿಸಲ್ವಾ , ಆಹ್ಲಾದಿಸಲ್ವಾ, ಕುರುಡು ಪ್ರೇಮಿಯಾಗಿ ಪ್ರೀತಿಸೋದಿಲ್ವಾ.
ನಾವು ಈ ಜಗತ್ತಿನಲ್ಲಿ ಎಲ್ಲವನ್ನು ಪ್ರೀತಿಸ್ತೀವಿ. ಹಾಕ್ಕೊಳ್ಳೋ ಬಟ್ಟೇನ ಪ್ರೀತಿಸ್ತೀವಿ, ತಲೆ ಬಾಚಿಕೊಳ್ತಾ ಕನ್ನಡಿಯಲ್ಲಿ ಕಾಣೋ ನಮ್ಮ ಬಿಂಬನ ಪ್ರೀತಿಸ್ತೀವಿ. ನಮ್ಮ ಬಿಂಬದ ಪಕ್ಕ ಒಬ್ಬಳು ಸುಂದರ ಹುಡುಗಿಯನ್ನ ಕಲ್ಪಿಸಿಕೊಂಡು ಅವಳನ್ನ ಪ್ರೀತಿಸ್ತೀನಿ. ನಾವು ಏನನ್ನಾದರೂ ನಿಜವಾಗ್ಲೂ ಪ್ರೀತಿಸಿದರೆ ಅದು ನಮ್ಮದು ಆಗುತ್ತೆ ಅಂಥ ಯಾರೋ ಹೇಳ್ತಿದ್ರು. ಅದು ಎಷ್ಟು ನಿಜ ಗೊತ್ತ.
ಪುಸ್ತಕನ ಪ್ರೀತಿ ಮಾಡಿದಾಗ ವಿದ್ಯೆ ನಮ್ಮದಾಗುತ್ತೆ , ಕೆಲಸಾನ ಪ್ರೀತಿ ಮಾಡಿದಾಗ ಯಶಸ್ಸು ನಮ್ಮದಾಗುತ್ತೆ , ನಮ್ಮನ್ನು ನಾವು ಪ್ರೀತಿಸಿದಾಗ ಜಗತ್ತು ನಮ್ಮದಾಗುತ್ತೆ.
ನಾವು ಪ್ರೀತಿ ಮಾಡೋದನ್ನ ನಿಲ್ಲಿಸಿದಾಗ, ನಮ್ಮ ಜೀವ ಕೂಡ ನಮ್ಮ ಜೊತೆ ಇರದಲೇ ಹೊರಟು ಹೋಗುತ್ತೆ. ಅದಕ್ಕೆ ಹೇಳೋದು ಜೀವನದಲ್ಲಿ ಏನನ್ನಾದರೂ ಬಿಡು, ಪ್ರೀತಿ ಮಾಡೋದನ್ನ ಮಾತ್ರ ಬಿಡಬೇಡ.

ಇಂತಿ ನಿಮ್ಮ ಪ್ರೀತಿಯ ,
-Vರ ( Venkatesha ರಂಗಯ್ಯ )

ನನ್ನ ನೆನಪು ನಿನಗೆ ಬರೋದೇ ಇಲ್ಲವಾ ?

2008-09-04T04:13:00.000-07:00

ಈ ಸಾಫ್ಟವೇರ್ ಇಂಜಿನಿಯರ್ ಜೀವನ ಹೇಗೆ ಅಂದ್ರೆ ಸ್ವಲ್ಪ ದಿನ ಸ್ವರ್ಗಾನೆ ತಮ್ಮ ಕೈಲಿ ಇದೆ ಅನ್ನೋವಷ್ಟು ಖುಷಿಯಾಗಿ ಇರ್ತಾರೆ.ಇನ್ನು ಸ್ವಲ್ಪ ದಿನ ಭೂಮಿ ಭಾರ ಎಲ್ಲ ಇವರ ತಲೆ ಮೇಲೆ ಇದೆಯೇನೋ ಅನ್ನೋ ಹಾಗೆ ಇರ್ತಾರೆ. ಒಂದ್ ರೀತಿನಲ್ಲಿ ಹೇಳ್ಬೇಕು ಅಂದ್ರೆ ಇವರುಗಳ ಜೀವನ monsoon change ಆದಾಗೆ ಚೇಂಜ್ ಆಗ್ತಾನೆ ಇರುತ್ತೆ. ಅಂಥ ಸಾಫ್ಟವೇರ್ ಇಂಜಿನಿಯರ್ ಗಳಲ್ಲಿ ನಾನು ಒಬ್ಬ ಕಣ್ರೀ. ಇಷ್ಟೆಲ್ಲಾ ಟಿಪ್ಪಣಿನ ಇವನು ಏನಕ್ಕೆ ಬರೀತಾ ಇದಾನೆ ಅಂಥ ನಿಮಗೆ ಅನ್ನಿಸ್ತ ಇರಬಹುದು. ಈಗ ವಿಷಯಕ್ಕೆ ಬರ್ತೀನಿ.

ನನಗೆ ಒಬ್ಬಳು ಆತ್ಮೀಯ ಗೆಳತಿ ಇದ್ದಳು. ಪ್ರತಿ ದಿನ ಇಬ್ಬರು ಫೋನ್ ನಲ್ಲಿ ಕಷ್ಟ ಸುಖ ಮಾತಡ್ಕೊಳ್ತಾ ಇದ್ವಿ. ಪ್ರತಿ ದಿನ ನಾನೇ ಅವಳಿಗೆ ಫೋನ್ ಮಾಡ್ತಾ ಇದ್ದೆ. ನಾನು ಮಾಡ್ಲಿಲ್ಲ ಅಂದ್ರೆ ಕಾಯೋ ಅಷ್ಟು ತಾಳ್ಮೆ ಕೂಡ ಅವಳಲ್ಲಿತ್ತು. ಒಂದ್ ಸಲ ನನಗೆ ಆಫೀಸ್ನಲ್ಲಿ ತುಂಬ ಕೆಲಸ ಇತ್ತು. ಒಂದು ನಾಲ್ಕೈದು ದಿವಸ ನನ್ನನ್ನ ನಾನೇ ಮರೆಯೋ ಅಷ್ಟು ವಿಪರೀತ ಕೆಲಸ ಇತ್ತು. ಊಟ , ತಿಂಡಿ, ನಿದ್ದೆಯ ಕಡೆಗೆ ಗಮನವಿರದಷ್ಟು ಕೆಲಸದಲ್ಲಿ ಏಕಾಗ್ರತೆ!!!. ಈ ಸಮಯದಲ್ಲಿ ನನ್ನ ಆತ್ಮೀಯ ಗೆಳತಿ ಒಬ್ಬಳಿಗೆ ಫೋನ್ ಮಾಡ್ಲಿಕ್ಕೆ ಆಗಿರಲಿಲ್ಲ. ಅವಳಿಗೆ ಕಾದು ಕಾದು ಸಾಕಾಗಿ, ಅವಳೇ ನನಗೆ ಫೋನ್ ಮಾಡಿದ್ಲು . ನಾನು ಫೋನ್ ತಗೊಳ್ತಿದ್ದ ಹಾಗೆ ನಿನದೆ ನೆನಪು ದಿನವು ಮನದಲ್ಲಿ ಅಂಥ ಹಳೆ ಕನ್ನಡ ಹಾಡು ಹೇಳೋಕೆ ಶುರು ಮಾಡಿದ್ಲು. ನಾನು ಏನಕ್ಕೆ ಈ ಹಾಡು ಹೇಳ್ತಿದಿಯ ಅಂಥ ಕೇಳಿದೆ. ಅದಕ್ಕೆ ತಕ್ಷಣ ಅವಳು ಕೋಪದ ದನಿಯಲ್ಲಿ ನನ್ನ ನೆನಪು ನಿನಗೆ ಬರೋದೇ ಇಲ್ಲವಾ ? ಅಂಥ ಕೇಳಿದ್ಲು. ಅವಳ ಆ ಪ್ರಶ್ನೆ ನನ್ನ ಮನಸಿಗೆ ಎಷ್ಟು ನಾಟಿತು ಅಂದ್ರೆ , ನಾನು ತುಂಬ ಭಾವುಕನಾಗಿ ಹೇಳಿದೆ ನನ್ನ ಕಣ್ಣಲ್ಲಿ ನೀರು ಬತ್ತಿ ಹೋಗೋ ವರೆಗೂ ನಿನ್ನ ಮರೆಯೋದಿಲ್ಲ . ಆಗ ಅವಳಿಗೆ ಆದ ಆನಂದ ಅಷ್ಟಿಷ್ಟಲ್ಲ . ಇಂಥ ಭಾವನೆಗಳೇ ಅಲ್ಲವೇ ನಮ್ಮ ಸ್ನೇಹಾನ ಬಲ ಪಡಿಸೋದು , ನಮ್ಮವರು ನಮ್ಮೊಂದಿಗೆ ಸದಾ ಇರೋ ಹಾಗೆ ಮಾಡೋದು .
ಇಂತಿ ನಿಮ್ಮ ಪ್ರೀತಿಯ ,
-Vರ ( Venkatesha ರಂಗಯ್ಯ )

ಸಣ್ಣ ಜೋಕ್

2008-08-28T02:00:00.000-07:00

ಒಬ್ಬ ಹುಡುಗ ಸೀರೆ ಅಂಗಡಿಯ ಶೋಕೇಸ್ ನಲ್ಲಿ ಇಟ್ಟಿದ್ದ ಗೊಂಬೆನ ದುರುಗುಟ್ಟಿಕೊಂಡು ನೋಡ್ತಾ ಇದ್ದ. ಅದನ್ನ ಕಂಡ ಅಂಗಡಿ ಮಾಲೀಕ, "ಯಾಕಪ್ಪಾ ಆ ಗೊಂಬೆನ ಹಾಗೆ ನೋಡ್ತಾ ಇದ್ದೀಯ?" ಅಂಥ ಕೇಳಿದ.
ಅದಕ್ಕೆ ಆ ಹುಡುಗ "ಗೊಂಬೆ ರವಿಕೆ ಹಾಕಿಲ್ಲ ರೀ, ಅದಕ್ಕೆ ನೋಡ್ತಾ ಇದೀನಿ ಅಂಥ ಹೇಳಿದ" .

ನೀತಿ : ಮಕ್ಕಳು ಗೊಂಬೆ ಜೊತೆ ಆಟ ಆಡ್ತಾ ದೊಡ್ಡವರು ಆಗ್ತಾರೆ. ಹಾಗಾಗಿ ನಾವು ಮಾಡೋ ಸಣ್ಣ ತಪ್ಪುಗಳು ಮಕ್ಕಳನ್ನ ತಪ್ಪು ದಾರಿಗೆ ಎಳೆಯೋದು ಬೇಡ ಅಲ್ವಾ.

-Vರ ( Venkatesha ರಂಗಯ್ಯ )

ಹಸಿ ಹಸಿ ಪ್ರೀತಿ

2008-08-27T04:56:00.000-07:00

ಮನಸಿಂದು ಹಸಿಯಾಗಿದೆ
ಪ್ರೀತಿ ಮೊಳೆತಾಗಿದೆ
ಮನಸು ಬೆರೆತಾಗಿದೆ
ಮಾತು ಈಗ ಶುರುವಾಗಿದೆ
ಮೌನ ಓಡಿ ಹೋಗಿದೆ
ಹೃದಯದಲ್ಲಿ ಪ್ರೀತಿ ಇಮ್ಮಡಿಯಾಗಿದೆ.

-Vರ ( Venkatesha ರಂಗಯ್ಯ )

ಹುಡುಗರ ಆಟ

2008-08-27T04:52:00.000-07:00

ಇವಳ ಮುಖ ಬಲು ದುಂಡು
ಇವಳ ಹಿಂದೆ ಸದಾ ಹುಡುಗರ ದಂಡು
ಮಾಯವಾಗುವಳು ಹುಡುಗರನು ಕಂಡು
ಆದರು ಬಿಡಲಿಲ್ಲ ಹುಡುಗರ ಹಿಂಡು

-Vರ ( Venkatesha ರಂಗಯ್ಯ )

ಕನ್ನಡಕ್ಕಾಗಿ

2008-08-26T23:13:00.000-07:00

ನನ್ನ ಉಸಿರಿರುವರೆಗೂ ಕನ್ನಡಕ್ಕಾಗಿ ಹೋರಾಟ
ಹಾರಿಸುವೆನು ಎಲ್ಲೆಲ್ಲು ಕನ್ನಡದ ಬಾವುಟ
ಮನೆ ಮನೆಯಲ್ಲಿ ರಾರಾಜಿಸಲಿ ಕನ್ನಡಾಂಬೆಯ ಚಿತ್ರಪಟ
ಕನ್ನಡವನ್ನು ಉಳಿಸಿ ಬೆಳೆಸುವುದೇ ನನ್ನ ಹಠ.

-Vರ ( Venkatesha ರಂಗಯ್ಯ )

ಎಷ್ಟು ದಿನದ ನಂತರ

2008-08-26T01:11:00.000-07:00

ಎಷ್ಟು ದಿನದ ನಂತರ ಕೇಳಿದೆ ನಿನ್ನ ದನಿ
ಬತ್ತಿಹೋಗಿದ್ದ ಕನಸುಗಳಿಗೆ ಸಿಕ್ಕಿತು ಜೀವ ಹನಿ
ಸೆಟೆದು ನಿಂತವು ನೆನಪುಗಳ ಪ್ರೇಮ್ ಕಹಾನಿ
ಮತ್ತೊಮ್ಮೆ ಉಸಿರು ಕಂಡ ಈ ಜೀವಕ್ಕೆ ಇಲ್ಲ ಹಾನಿ

ಎಷ್ಟು ದಿನದ ನಂತರ ಕಂಡೆ ನಿನ್ನ ಮುಖ
ಕಾದು ಕಾದು ಬಳಲಿ ಬೆಂಡಾಗಿದ್ದ ನಿನ್ನ ಸಖ
ನಿನ್ನೊಂದಿಗೆ ಮತ್ತೆ ಮರಳಿ ಬಂದಿದೆ ಸುಖ
ಇನ್ನು ಹೇಗೆ ತಾನೆ ನನ್ನ ಬಳಿ ಸುಳಿದಾಡುತ್ತೆ ದುಃಖ

ಎಷ್ಟು ದಿನದ ನಂತರ ನಕ್ಕಿತು ನನ್ನ ಹೃದಯ
ನಿನಗಾಗಿ ಮೀಸಲು ನನ್ನ ಪೂರ್ತಿ ಸಮಯ
ಜಗಳ ಬೇಜಾರು ನೋವು ಎಲ್ಲ ಮಾಯಾ
ನಲಿವು ಒಲವು ನಮಗಿರಲೆಂದು ಸದಾಶಯ

-Vರ ( Venkatesha ರಂಗಯ್ಯ )

ಗೆಳೆಯನ ಮನಸ್ಸು ಹಾಲಿನಂತಿದ್ದರೆ...

2008-08-21T22:47:00.000-07:00

ಈ ಪ್ರಪಂಚದಲ್ಲಿ ಎರಡು ಥರ ಜನ ಇದ್ದಾರೆ ಕಣ್ರೀ. ಒಂದು ಥರ ಜನ ಯಾವಾಗಲು negative ಆಗಿ ಯೋಚನೆ ಮಾಡ್ತಾರೆ. ಇವರು ಹುಳಿ ಇದ್ದ ಹಾಗೆ. ಇನ್ನೊಂದು ಥರ ಜನ ಇದಾರೆ, ಅವರು ಯಾವಾಗಲು positive ಆಗಿ ಯೋಚನೆ ಮಾಡ್ತಾ ಇರ್ತಾರೆ. ಇವರು ಹಾಲು ಇದ್ದ ಹಾಗೆ. positive ಆಗಿ ಯೋಚನೆ ಮಾಡೋರು ಯಾವತ್ತು negative thinking ಇರೋ ಮನುಷ್ಯರ ಸಹವಾಸ ಮಾಡಬಾರದು ಕಣ್ರೀ....ಅಪ್ಪಿ ತಪ್ಪಿ ಸಹವಾಸ ಮಾಡಿದ್ರು ಅಂದ್ರೆ ಅದು ಹಾಲು ಹುಳಿ ಸಂಬಂಧ ಥರ ಇರುತ್ತೆ ಹೊರತು ಹಾಲು ಜೇನು ಸಂಬಂಧ ಹಾಗಿರಲ್ಲ. negative thinking ಜನ ಗೆಲ್ಲೋಕೆ ಸಾದ್ಯನೇ ಇಲ್ಲ ಅಂಥ ಜೀವನ ಮಾಡ್ತಾರೆ. ಆದರೆ positive thinking ಇರೋರು ಯಾವತ್ತು ಸೋಲಲೆಬಾರದು ಅನ್ನೋ ಹಠವಾದಿಗಳು ಆಗಿರ್ತಾರೆ...ಇವರು ಪ್ರತಿಯೊಂದನ್ನು ಸವಾಲಾಗಿ ಸ್ವೀಕರಿಸ್ತಾರೆ, ಶ್ರದ್ದೆ ಇಂದ ಕೆಲಸ ಮಾಡ್ತಾರೆ. ಇವರ ನಡೆ, ನುಡಿ, ನೋಟ ಪ್ರತಿಯೊಂದರಲ್ಲೂ ವಿನಯ ಅಡಗಿರುತ್ತೆ...ಇದೆ ಕಾರಣಕ್ಕೆ ಅಲ್ವೇ ನಮಗೆ ಅಬ್ದುಲ್ ಕಲಾಮ್ ಅವರು ನಮಗೆ ಇಷ್ಟ ಆಗೋದು. ಕೊನೆದಾಗಿ ಒಂದು ಮಾತು ಹೇಳೋಕೆ ಇಷ್ಟ ಪಡ್ತೀನಿ, ನಾವು ಯಾವಾಗಲು ಒಳ್ಳೆತನವನ್ನ ರೂಡಿ ಮಾಡ್ಕೊಬೇಕು, ಕೆಟ್ಟತನದ ಅರಿವು ಸದಾ ನಮಗಿರಬೇಕು....ಹಾಗಿದ್ದಾಗ ಮಾತ್ರ ನಾವು, ನಮ್ಮ ಜನ, ನಮ್ಮ ದೇಶ ಚೆನ್ನಾಗಿರುತ್ತೆ ...

ಇಂತಿ ನಿಮ್ಮ ಪ್ರೀತಿಯ ಗೆಳೆಯ
-Vರ ( Venkatesha ರಂಗಯ್ಯ )

ಕನ್ನಡ ತಾಯಿಗೆ ನಮನ

2008-08-21T06:14:00.000-07:00

ಎದ್ದೇಳಿ ಕನ್ನಡಿಗರೆ ಎದ್ದೇಳಿ
ಹರಡಲು ಕರುನಾಡ ಕಂಪನ್ನು
ಹಾಡಲು ಕನ್ನಡದ ಹಾಡನ್ನು

ಭಕ್ತಿ ಕೀರ್ತಿ ಹೊತ್ತು ಮೆರೆವ ನಾಡು ನಮ್ಮ ಕರ್ನಾಟಕ
ಊರುಗಳು ಸಾವಿರಾರು ಭಾವನೆಗಳು ನೂರಾರು
ನಮ್ಮ ಭಾಷೆ ಒಂದೆ ಕನ್ನಡ

ಬನ್ನಿ ಕನ್ನಡಿಗರೆ ಬನ್ನಿ ಕನ್ನಡಕ್ಕಾಗಿ ದುಡಿಯೋಣ ಬನ್ನಿ
ಎಲ್ಲರು ಸೇರಿ ಮೊಳಗಿಸೋಣ ಕರ್ನಾಟಕದ ಕಹಳೆಯನ್ನು
ಒಟ್ಟಾಗಿ ಮೆರೆಸೋಣ ಕರ್ನಾಟಕ ಕೀರ್ತಿಯನ್ನು

ಕೆಂಪೇಗೌಡರು ಕಟ್ಟಿದರು ಬೆಂಗಳೂರು
ರಾಜ ಮಹಾರಾಜರು ಆಳಿದರು ಮೈಸೂರು
ಶಿಲ್ಪಕಲೆಗಳಿಗೆ ಹೆಸರಾದವು ಹಳೇಬೀಡು ಬೇಲೂರು

ಕಾವೇರಿ ಹುಟ್ಟಿ ಹರಿಯುತಿಹಳು ಕೊಡಗಿನಲ್ಲಿ
ಶರಾವತಿ ದುಮ್ಮುಕ್ಕಿ ಹರಿಯುತಿಹಳು ಜೋಗದಲ್ಲಿ
ಶ್ರೇಷ್ಠ ಕವಿಗಳ ಕವಿಸಾರ ಹರಿಯಿತು ಕರ್ನಾಟಕದಲ್ಲಿ

ಬನ್ನಿ ಕನ್ನಡಿಗರೆ ಒಗ್ಗಟ್ಟಾಗಿ ಬನ್ನಿ
ಕನ್ನಡ ನಾಡು ನುಡಿಯ ಉಳಿಸೋಣ ಬನ್ನಿ
ಕನ್ನಡಾಂಬೆಯ ಆಶೀರ್ವಾದ ಪಡೆಯೋಣ ಬನ್ನಿ

-Vರ ( Venkatesha ರಂಗಯ್ಯ )

ದಪ್ಪ ಸುಂದರಿ

2008-08-13T06:15:00.000-07:00

ಎಷ್ಟು ದಪ್ಪ ಈ ಸುಂದರಿ
ಎಷ್ಟು ದಪ್ಪ ಈ ಸುಂದರಿ
ಇವಳಿಗೆ ಕೂರಲು ಬೇಕು ಎರಡು ಸೀಟು ರೀ !!!

-Vರ ( Venkatesha ರಂಗಯ್ಯ )

ಸಖತ್ ಸುಂದರಿ

2008-07-31T23:18:00.000-07:00

ನಾನು ಪ್ರತಿದಿನ ಹಿಂಬಾಲಿಸುತ್ತಿದ್ದ
ಹುಡುಗಿ ಸಖತ್ ಸುಂದರಿ
ನನಗೆ ರಾಖಿ ಕಟ್ಟಿದಾಗಿನಿಂದ
ಅವಳು ನನ್ನ ಸಹೋದರಿ !!!

-Vರ ( Venkatesha ರಂಗಯ್ಯ )

ಬೆಚ್ಚಗೆ ನಿನ್ನ ನೆನಪು

2008-07-24T22:29:00.000-07:00

ಮುಂಜಾನೆಯ ಚಳಿಯಲ್ಲಿ ಬೆಚ್ಚಗೆ ನಿನ್ನ ನೆನಪು
ನೆನೆ ನೆನೆದು ನಿನ್ನ ಹೆಸರ ಕನವರಿಸುತಿದೆ ಮನವು
ಹುಡುಕಿದರೂ ಸಿಗಲಿಲ್ಲ ಎಲ್ಲು ನಿನ್ನ ಸುಳಿವು
ಮನದಾಳದಲ್ಲಿ ಕಾಡುತಿದೆ ನೀ ಬಿಟ್ಟು ಹೋದ ಒಲವು

ಸೂರ್ಯನು ಬರುವ ಮುಂಚೆಯೇ ನಿನ್ನ ನೋಡಬೇಕೆಂಬ ಕಾತುರ
ಮಲ್ಲಿಗೆ ಅರಳುವ ಮುನ್ನ ನಿನ್ನ ಮಾತಾಡಿಸಬೇಕೆಂಬ ಆತುರ
ನಿನ್ನ ಇಷ್ಟು ಕಾಡೋಕೆ ಕಾರಣ ನೀ ಕೊಟ್ಟ ಸದರ
ನಿನ್ನ ಜೊತೆ ನಾ ಕಳೆದ ಕಾಲ ಬಲು ಮಧುರ

-Vರ ( Venkatesha ರಂಗಯ್ಯ )

'ಕರೆ'ನ್ಸಿ

2008-07-16T06:38:00.000-07:00

ಬರಲಿಲ್ಲ ನನ್ನವಳಿಂದ ಕರೆ
ಬರಲಿಲ್ಲ ನನ್ನವಳಿಂದ ಕರೆ
ಕಾರಣ ಅವಳ ಮೊಬೈಲಿನಲ್ಲಿ ಇಲ್ಲ 'ಕರೆ'ನ್ಸಿ !!!

-Vರ ( Venkatesha ರಂಗಯ್ಯ )

ಯಾಕೆ ಹೀಗಾಯ್ತು ???

2008-07-11T02:17:00.000-07:00

ಹೂವಿನ ಅಂದ ಮೈಯರಳಿ ನಿಲ್ಲುವುದು ಕಿರಣಗಳ ಸ್ಪರ್ಶದಿಂದ
ದುಂಬಿಯೊಂದು ಹರ್ಷಿಸುವುದು ಪರಿಮಳ ಭರಿತ ಮಲ್ಲಿಗೆಯ ರಸಪಾನದಿಂದ
ಪದಗಳು ಹುಟ್ಟುವುದು ನಿನ್ನ ಅಂದದಿಂದ
ಮೈಮರೆತು ಹಾಡೊಂದು ಗುನುಗುತಿರುವೆನು ನಿನ್ನ ನಾ ಕಂಡ ಕ್ಷಣದಿಂದ !!!

-Vರ ( Venkatesha ರಂಗಯ್ಯ )

ಮಲ್ಲಿಗೆ ಪರಿಮಳ

2008-07-11T02:13:00.000-07:00

ನೀ ಮುಡಿದ ಮಲ್ಲಿಗೆಯ ಪರಿಮಳ
ಇಂದೇಕೋ ನನ್ನೆದೆಯಲ್ಲಿ ತಳಮಳ
ಬಾಡದಿರಲಿ ನೀ ಮುಡಿದ ಮಲ್ಲಿಗೆ
ನಾ ಬರುವೆ ನಿನ್ನ ಸನಿಹ ಮೆಲ್ಲಗೆ!!!

-Vರ ( Venkatesha ರಂಗಯ್ಯ )

ಆಸೆ

2008-07-11T02:11:00.000-07:00

ನೀನೊಂದು ಕಡಲು, ನಾನೊಂದು ನದಿ
ನಿನ್ನ ಸೇರುವುದೇ ನನ್ನ ಗುರಿ
ಅದಕ್ಕಾಗಿ ಹುಡುಕುತಿಹೆ ಹರಿಯುವ ದಾರಿ
ನೀ ಈಗ ಎಲ್ಲಿರುವೆ ನಾರಿ
ನಾ ಬರೋದು ಲೇಟಾದರೆ ಸಾರಿ!!!

-Vರ ( Venkatesha ರಂಗಯ್ಯ )

ಕನಸಿನ ಮಾತುಗಳು

2008-07-11T02:05:00.000-07:00

ನೀ ನನ್ನ ಕನಸಿಗೆ ಬಂದು ಹಾಡುವಾಗ ಕವನ
ಎಲ್ಲ ನೋವು ಮರೆತು ನಿನ್ನೆಡೆಗೆ ತಿರುಗಿತು ನನ್ನ ಗಮನ
ಕಂಗಾಲಾದ ಮನಸಿನ ಭಾರ ಇಳಿಸಿದ ನಿನಗೆ ನನ್ನ ನಮನ
ಕಣ್ಣಿಂದಲೇ ಸ್ಪರ್ಶಿಸಿದ ಮನಸು ಪಾವನ

ನಾ ನಿನ್ನ ಕನಸಿಗೆ ಬಂದು ಹೋದರೆ
ನನಗಿರಲಿ ಒಂದೇ ಒಂದು ದೂರವಾಣಿ ಕರೆ
ನಾ ನಿನ್ನ ಮಾತನು ಕೇಳದೆ ಇನ್ನು ಇರಲಾರೆ
ನಿನ್ನ ನಾ ನೋಡದೆ ಕ್ಷಣಕಾಲವು ಜೀವಿಸಲಾರೆ

ಕನಸಿನ ಕನ್ನಡಿಯಲ್ಲಿ ಕಾಣುತಿದೆ ನಿನ್ನದೇ ಮುಖವು
ಮನಸಿನ ಮುಖ ಪುಟದಲ್ಲಿ ಕುಳಿತಿದೆ ನಿನ್ನದೇ ಚಿತ್ರವು
ಬಾಳಿನ ಮುನ್ನುಡಿ ತುಂಬ ನಿನ್ನದೇ ಹೆಸರು
ನಿನ್ನಿಂದಲೇ ನನ್ನ ಬಾಳು ಹಸಿರು

-Vರ ( Venkatesha ರಂಗಯ್ಯ )

ಬಿಟ್ಟು ಹೋದವಳಿಗಾಗಿ

2008-07-11T01:49:00.000-07:00

ನಾನು ಪ್ರೀತಿಸಿದ ಹುಡುಗಿ ನನ್ನ ಪ್ರೀತಿಸಲಿಲ್ಲ
ನನ್ನ ಪ್ರೀತಿಸಿದ ಹುಡುಗಿಯ ನಾ ಪ್ರೀತಿಸಲಿಲ್ಲ
ಜೀವನದುದ್ದಕ್ಕೂ ಒಂಟಿತನವೇ ಕಾಡಿತಲ್ಲ
ಸುಖ ದುಃಖಗಳೆರಡು ನನ್ನಲ್ಲೇ ಹಂಚಿ ಹೋದವಲ್ಲ

ಅವಳಿಗಾಗಿ ನಾ ಮಾಡಿದೆ ಎಲ್ಲ ತ್ಯಾಗ
ಬಯಸುವೆ ಅವಲಿಗಿರಲೆಂದು ಸದಾ ಭೋಗ
ಚಡಪಡಿಸುತ್ತಿರುವ ಮನಕೆ ಬೇಕು ಒಲವಿನ ಸಹಯೋಗ
ಕಾಯುತಿರುವುದು ಹೃದಯ ಸ್ವೀಕರಿಸಲು ಪ್ರೀತಿಯ ವಿನಿಯೋಗ

-Vರ ( Venkatesha ರಂಗಯ್ಯ )

ಮಿಂಚಿನ ಬಳ್ಳಿ

2008-07-11T01:46:00.000-07:00

ನಿನ್ನ ಕುಡಿನೋಟವು ಇಡುತಿದೆ ಕಚಗುಳಿ
ನಿನ್ನ ಮೈಮಾಟವು ತರುತಿದೆ ಬಿಸಿಗಾಳಿ
ಮುಡಿಯ ಹೂಗುಚ್ಚವು ಸೂಸುತಿದೆ ಕಂಪನಿಲ್ಲಿ
ನಿನ್ನ ಜಲಕ್ ಜಲಕ್ ನಗೆಗೆ ನಾ ಸೋತೆ ಮಿಂಚಿನ ಬಳ್ಳಿ!!!

-Vರ ( Venkatesha ರಂಗಯ್ಯ )

ಜಣ ಜಣ ಕಾಂಚಾಣ

2008-07-09T01:31:00.000-07:00

ಬಂದೆರಗಿ ಅಪ್ಪಳಿಸೂಲ್ಲ ಅದೃಷ್ಟ
ಸಾದಿಸೋಕೆ ಪಡಲೇಬೇಕು ಕಷ್ಟ
ಕುಳಿತಿರುವವನ ಹುಡುಕಿಕೊಂಡು ಬರೋಲ್ಲ ಕಾಂಚಾಣ
ದುಡಿಯುವವನ ಬಳಿ ಮೆರೆಯುವುದು ಜಣ ಜಣ

-Vರ ( Venkatesha ರಂಗಯ್ಯ )

ಸೊಂಟದ ವಿಷಯ

2008-07-09T01:27:00.000-07:00

ತಳುಕು ಬಳುಕು ಸೊಂಟ
ನಾನು ಅದರ ನೆಂಟ
ಹಿಡಕೊಂಡೇ ಅವಳ ಸೊಂಟ
ಜನವೆಲ್ಲ ಸೇರಿ ಮಾಡಿದ್ರು ನನ್ನ ಕುಂಟ !!!

-Vರ ( Venkatesha ರಂಗಯ್ಯ )

ಸ್ಕೂಟಿ ಬ್ಯೂಟಿ

2008-07-09T01:23:00.000-07:00

ಬಳ್ಳಿಯಲ್ಲಿ ಹೂ ಕಂಡು ದುಂಬಿ ಹಾರಿತು
ಕಡಲು ಸೇರೋ ದಾರಿ ಕಂಡು ನದಿ ಹರಿಯಿತು
ಬರಡು ಭೂಮಿ ತಣಿಸಲೆಂದು ಮಳೆ ಸುರಿಯಿತು
ಸ್ಕೂಟಿ ಬ್ಯೂಟಿ ಕಂಡು ಹೃದಯ ಹಾಡಿತು!!!

-Vರ ( Venkatesha ರಂಗಯ್ಯ )

ಬಣ್ಣದ ಮಹಿಮೆ

2008-07-09T00:15:00.000-07:00

ಅರಿಶಿನ ಚೆಂದನದಂತೆ ಹೊಳೆಯುತ್ತಿದೆ ನಿನ್ನ ಮೈ ಬಣ್ಣ
ನಿನ್ನ ಕಂಡಾಗಲೆಲ್ಲ ನನ್ನ ಮೈ ತುಂಬ ಚುಮು ಚುಮು ಕಂಪನ
ನಿನ್ನನ್ನು ಕಂಡರೆ ಕಣ್ಣು ಹೊಡೆಯದೆ ಇರುವನೇ ಕಾಮಣ್ಣ !!!

-Vರ ( Venkatesha ರಂಗಯ್ಯ )

ನಿನ್ನಿಂದ

2008-07-09T00:12:00.000-07:00

ಕತ್ತಲೆ ತುಂಬಿರುವ ಬಾಳಲ್ಲಿ
ನೀ ಬಂದೆ ಬೆಳಕು ಚೆಲ್ಲಿ
ಹತ್ತಿ ಉರಿಯುತ್ತಿತ್ತು ಬೇಸರ ಮನದಲ್ಲಿ
ಮಾಯವಾಯಿತು ಬೇಸರ ನೀ ಪಕ್ಕ ನಿಂತಲ್ಲಿ !!

-Vರ ( Venkatesha ರಂಗಯ್ಯ )

ಕಾರಣ

2008-07-09T00:08:00.000-07:00

ಮೋಡ ಕವಿದ ವಾತಾವರಣ
ಮುಸುಕು ಕವಿದ ಅಂತಃಕರಣ
ಕಳೆದು ಹೋಗಿದೆ ಬಾಳ ಕವಿತೆಯ ಚರಣ
ಹುಡುಕಬೇಕಿದೆ ಇದಕೆಲ್ಲ ಕಾರಣ!!

-Vರ ( Venkatesha ರಂಗಯ್ಯ )

ಕಾಲಿಂಗ್ ಬಿಲ್

2008-07-08T05:34:00.000-07:00

ನನ್ನ ಮೊಬೈಲ್ ಕನೆಕ್ಷನ್ ಏರ್ ಟೆಲ್

ನಿಂದು ಯಾವುದು ಪ್ಲೀಸ್ ಟೆಲ್

ಒಂದು ರೂಪಾಯಿ ಹೋಗುತ್ತೆ ಮಾಡಿದ್ರೆ ಒಂದು ಕಾಲ್

ನಿರಂತರವಾಗಿ ಫೋನ್ ಮಾಡ್ತಿದ್ರೆ ಬರುತ್ತೆ ಜಾಸ್ತಿ ಬಿಲ್

ನಾನು ಫೋನ್ ಮಾಡಲ್ಲ ಅಂಥ ಆಗಬೇಡ ಡಲ್

ತಪ್ಪದೆ ದಿನ ಎಸ್ಸೆಮ್ಮೆಸ್ ಮಾಡ್ತೀನಿ ಮೇರಾ ದಿಲ್ !!!

-Vರ ( Venkatesha ರಂಗಯ್ಯ )

ಕನ್ನಡ ಕನ್ನಡ ಕನ್ನಡ

2008-07-08T05:23:00.000-07:00

ನಾ ಕುಡಿಯುವ ಜಲ ಕಾವೇರಿ
ನಾ ಮೆಟ್ಟುವ ನೆಲ ಕರುನಾಡು
ನಾ ಬೆರೆಯುವ ಜನ ಕನ್ನಡಿಗರು
ನನ್ನ ತನು ಮನ ಕಣ ಕಣದಲ್ಲು
ಕನ್ನಡ ಕನ್ನಡ ಕನ್ನಡ

-Vರ ( Venkatesha ರಂಗಯ್ಯ )

ಅನುಪಮ

2008-07-08T05:20:00.000-07:00

ಇವಳ ಮುಖ ಹುಣ್ಣಿಮೆ ಚಂದ್ರಮ
ಇವಳ ಮಾತಿನಲ್ಲಿ ಘಮ ಘಮ
ಇವಳು ಸಂಗೀತದಲ್ಲಿ ಸರಿಗಮ
ಇವಳೇ ನನ್ನ ಅನುಪಮ

-Vರ ( Venkatesha ರಂಗಯ್ಯ )

ಮಾಯಾಂಗಿನಿ ಮೋಡಿ

2008-07-08T03:17:00.000-07:00

ಕಣ್ಣಿಗೆ ಕಾಣದ ಮಾಯೆಯೊಂದು ಮಾಡುತಿದೆ ಮೋಡಿ ಇಂದು
ಸೆಳೆಯುತಿದೆ ನನ್ನನ್ನು , ಕೆದಕುತಿದೆ ಅಂತರಂಗವನ್ನು
ಅದ್ಯಾವ ಮಾಯೆಯೋ , ಅದ್ಯಾವ ಮೋಡಿಯೋ ಅರಿಯದಾಗಿದೆ
ಸೋಲಿಲ್ಲದ ಸರದಾರ ನಾನು, ಸೋತು ಹೋಗುವೆನೆ ಈ ಮಾಯೆಗೆ
ತೀರಗಳಿಂದಾಚೆಗೆ ಕರೆದುಕೊಂಡು ಹೋಗಲೆಂದೆ ಬಂದಿವುದೆ ಈ ಮಾಯೆ
ಮರುಭೂಮಿಯಂತ ಮನಸಿಗೆ ನೀರೆರೆಯಲು ಬಂದಿರುವಳೇ ಈ ಮಾಯೆ
ಸ್ಥಿರವಾದ ಮನಸನು ವಿಚಲಿತಗೊಳಿಸಿದ ಮಾಯೆ ನೀನು
ಯಾರಿವಳು ಈ ಮಾಯೆ , ಎಲ್ಲಿಂದ ಬಂದಿಹಳು ಈ ಮಾಯೆ
ಕುಳಿತಿರುವವನ ಎಬ್ಬಿಸಿ ನಡೆಸುತಿರುವಳು ಈ ಮಾಯೆ
ಹಸಿವಿಲ್ಲದವನಿಗೆ ಹಸಿವು ತಂದು ಕೊಟ್ಟಳು ಈ ಮಾಯೆ

-Vರ ( Venkatesha ರಂಗಯ್ಯ )

ಮೊದಲ ಹನಿ

2008-07-08T03:07:00.000-07:00

ಬೇಲೂರ ಬಾಲೆಯರಿಗೆಲ್ಲ
ಕಡಿಮೆಯಾಗಿದೆ ಬೇಡಿಕೆ
ಕಾರಣ ಬೆಂಗಳೂರ ಬಾಲೆಯರೆಲ್ಲ
ತೋಡುವುದನ್ನ ಬಿಟ್ಟಿದ್ದಾರೆ ರವಿಕೆ!!

-Vರ ( Venkatesha ರಂಗಯ್ಯ )